Зооваланцёры: клапаціцца пра жывёл становіцца ўсё складаней
Зооваланцёры адзначаюць, што клапаціцца пра жывёл становіцца ўсё складаней, у тым ліку з-за міжнародных адносін.
„Цяпер трэба быць вельмі ўважлівымі, што можна правозіць праз мяжу, а што – не”, – распавядае актывістка Ганна. Дзяўчына хацела перадаць корм з Варшавы ў Беларусь, але ў яе не атрымалася тое зрабіць:
– Я купіла вельмі дарагі корм, пакуначак на 10 кілаграм, я перадала яго праз сябра з машынай. І на мяжы памежнікі дасталі яго і выкінулі ў сметніцу там. Яны яго не канфіскавалі, каб перадаць, напрыклад, у прытулак. То бок яны проста выкінулі той дарагі корм, на які я проста выдаткавала свае грошы. І мне вельмі крыўдна, мяне гэта так раззлавала. Таму што кажуць, што раней можна, зараз – нельга. Атрымліваецца, што я не магу фізічна тут збіраць грошы на корм, купляць корм і перадаваць яго туды.
“Насамрэч у Польшчы створаныя добрыя ўмовы для жывёл. Тут можна і зрабіць страхоўку на выпадак, калі ваш гадаванец сапсуе мэблю гаспадароў кватэры. Таксама ёсць тыя, хто можа паклапаціцца пра жывёлу, калі вы з’едзеце з гораду на пэўны час. Таму не варта баяцца перавозіць жывёл з сабой, з Беларусі ў іншую еўрапейскую краіну”, – падкрэслівае Ганна.
Марына Савіцкая, Беларускае Радыё Рацыя
Artykuł Зооваланцёры: клапаціцца пра жывёл становіцца ўсё складаней pochodzi z serwisu БЕЛАРУСКАЕ РАДЫЁ РАЦЫЯ.