Сітуацыя з ліставаннем да палітвязняў не паляпшаецца
Сітуацыя з ліставаннем да палітвязняў з Берасцейшчыны не паляпшаецца ўжо дзесяць месяцаў – ад моманту пачатку вайны ва Украіне.
Карэспандэнцыі даходзяць толькі ад блізкіх людзей, як правіла, з тым жа самым прозвішчам, – распавяла праваабаронца спадарыня Ганна:
– За год сітуацыя значна пагоршылася. Значна часцей блакуюць ліставанне. Проста не аддаюць лісты, нават заказныя. У шматлікіх калоніях лісты не аддаюць, але даюць распісацца, што чалавек гэтыя лісты атрымаў. І такім чынам усё ж такі вязень разумее, што пра яго не забываюць, што лісты яму дасылаюць.
„Таму ёсць яшчэ пэўныя спосабы падтрымкі палітвязняў, якія пакуль што працуюць, як, напрыклад, тэлеграмы ці радыёперадачы. Можна даведацца, якую хвалю слухаюць у месцы зняволення, і перадаваць прывітанне ці віншаванні з днём народзінаў,” – дадала праваабаронца.
Беларускае Радыё Рацыя
Artykuł Сітуацыя з ліставаннем да палітвязняў не паляпшаецца pochodzi z serwisu БЕЛАРУСКАЕ РАДЫЁ РАЦЫЯ.