Лукашэнка абавязаў праходзіць медагляд усіх вышэйшых чыноўнікаў
Аляксандр Лукашэнка зацвердзіў пералік вышэйшых чыноўнікаў, абавязаных пры назначэнні праходзіць медыцынскі агляд.
Указ падпісаны 22 снежня, апублікаваны сёння, 24 снежня, на Нацыянальным прававым інтэрнет-партале і ўступае ў сілу з 1 студзеня 2023 года.
Дакументам вызначаны „пералік пасад кіруючых работнікаў дзяржаўных органаў, уключаных у кадравы рэестр Кіраўніка дзяржавы Рэспублікі Беларусь, якія падлягаюць медыцынскаму агляду пры іх назначэнні на пасаду”.
Экспертызу праводзіць Міжведамасная медыцынская камісія на базе „Рэспубліканскага клінічнага медыцынскага цэнтра” Кіраўніцтва справамі прэзідэнта.
Зацверджана таксама палажэнне аб Міжведамаснай медыцынскай камісіі.
У дадатку пералічаны пасады, занятак якіх патрабуе праходжання медагляду.
Artykuł Лукашэнка абавязаў праходзіць медагляд усіх вышэйшых чыноўнікаў pochodzi z serwisu БЕЛАРУСКАЕ РАДЫЁ РАЦЫЯ.