“23:34” і “Atesta” прэзентавалі сумесную песню і кліп “Дай мне пра Каляды”
Гурты “23:34” і “Atesta” прэзентавалі сумесную песню і кліп “Дай мне пра Каляды”.
Пра тое, як нарадзілася святочная кампазіцыя, распавёў лідар “23:34” Антось Клімчук-Варшавыскі.
– Ідэя была наступная – мы зараз жа робім калядныя сэйшаны ў Гданьску і Варшаве. І вось мы з Уляй Паўловіч пачалі разважаць. І я кажу, што было б добра, каб зрабіць сумесна якуюсьці калядную песню. На пачатку спрабавалі мы як 23.34, пасля мы з Уляй сабраліся, таксама паспрабавалі, штосьці ў нас нічога не атрымалася. Мы ўжо гэтую ідэю пакінулі, і тут у нядзелю яна скідвае песню і кажа: вось я песню напісала, заўтра запісваем. Я такі: о, ок, добра.
Сумесныя канцэрты бэндаў “23:34” і “Atesta” адбудуцца сёння ў Гданьску і заўтра, 30-га снежня, у Варшаве. “Абедзве імпрэзы будуць прасякнутыя калядным духам”, – адзначаюць музыкі.
Марына Савіцкая, Беларускае Радыё Рацыя
Artykuł “23:34” і “Atesta” прэзентавалі сумесную песню і кліп “Дай мне пра Каляды” pochodzi z serwisu БЕЛАРУСКАЕ РАДЫЁ РАЦЫЯ.