Пушкоў пакінуў пасаду галоўнага трэнера „Дынама” з Санкт-Пецярбурга
Пра гэта паведамляе сайт "бела-блакітных".
Artykuł Пушкоў пакінуў пасаду галоўнага трэнера „Дынама” з Санкт-Пецярбурга pochodzi z serwisu БЕЛАРУСКАЕ РАДЫЁ РАЦЫЯ.
Беларускі галоўны трэнер пецярбургскага „Дынама” Сяргей Пушкоў, трэнеры Алег Малашкевіч і Аляксей Кузняцоў, а таксама трэнер варатароў Павел Чаркас завяршаюць працу ў клубе. Пра гэта паведамляе сайт „бела-блакітных”.
-
Фота: hockey.by
Увесь калектыў хакейнага клуба „Дынама” Санкт-Пецярбург гаворыць вялікі дзякуй трэнерскаму штабу за праведзеную на працягу двух папярэдніх сезонаў работу і дасягнутыя вынікі разам з нашай камандай, а таксама жадае ўдачы ў далейшай кар’еры! – гаворыцца ў развітальным паведамленні. У сезоне-2022/23 „Дынама” заняло 17-е месца ў рэгулярным чэмпіянаце і не выйшла ў плэй-оф. Пушкоў тройчы прыводзіў гарадзенскі „Нёман” да тытула чэмпіёна Беларусі.
Усаў, Марозаў і Скорэнаў далучыліся да зборнай Беларусі
Як паведамляе ФХБ, да зборнай Беларусі далучыліся Ілля Усаў, Вадзім Мароз і Аляксандр Скорэнаў. Мароз і Скорэнаў 3 траўня пакінулі зборную па рашэнні медыцынскага штаба.
Усаў далучыўся да каманды пасля завяршэння выступаў ў АХЛ. Беларускі нападнік правёў мінулы сезон у складзе «Сірак’юз» – фарм-клуба «Тампы». У 57 матчах рэгулярнага чэмпіянату Ілля набраў 16 (4+12) ачкоў. Таксама на яго рахунку 4 паядынкі ў плей-оф.
Канадскія хакейныя клубы з НХЛ не могуць выйграць Кубак Стэнлі ўжо 30 гадоў
У бягучым розыгрышы Кубка Стэнлі апошнім канадскім клубам у плэй-оф заставаўся «Эдмантан Ойлерз». Па выніках чвэрцьфінальнай серыі „нафтавікі” пакінулі розыгрыш, прайграўшы „Вегасу” серыю з лікам 2:4. Да гэтага ў чвэрцьфінале спыніў барацьбу «Таронта Мэйпл Ліфс», прапусціўшы далей хакеістаў «Флорыды Пантэрз». Раней у 1/8 фіналу „Вегас” упэўнена перайграў канадскі „Вініпег Джэц”.
Такім чынам, канадскія клубы ўжо 30 гадоў не выйграюць Кубак Стэнлі. Апошні раз гэта ўдавалася „Манрэалю Канадыес” у 1993 годзе. Тады клуб упэўнена выйграў серыю супраць «Лос-Анджэлес Кінгз» з лікам 4:1.
У плэй-оф НХЛ гэтага сезона хутка пачнуцца паўфінальныя серыі. «Караліна Харыкейнз» будзе змагацца за пуцёўку супраць «Флорыды Пантэрз». А «Вегас Голдэн Найц» згуляе супраць пераможцы серыі: «Далас Старз» – «Сіэтл Кракен» (там пакуль у серыі нічыя 3:3).
«Арыс» Шпілеўскага ўпершыню ў гісторыі будзе з медалямі чэмпіянату Кіпра
У матчы чэмпіянату Кіпра «Арыс», які ўзначальвае беларускі спецыяліст Аляксей Шпілеўскі, перамог «Апалон» з лікам 2:0. Каманда беларускага трэнера гарантавала сабе найменьш 2-е месца чэмпіяната. Яўген Яблонскі адыграў усю сустрэчу, Арцём Шуманскі знаходзіўся на лаўцы запасных. «Арыс» на дадзенны момант лідыруе ў чэмпіянаце, апярэджваючы АПАЭЛ на тры ачкі, за два тура да канца.
Поль Пагба выбыў да канца сезона
Хаўбек „Ювентуса” Поль Пагба атрымаў траўму і прапусціць астатак сезона, паведамляе Corriere dello Sport.
Гулец траўмаваўся ў матчы 35-га тура серыі „А” з „Краманезе” 2:0. 30-гадовы француз правай нагой зрабіў навес у штрафную плошчу суперніка, пасля чаго закульгаў і амаль адразу лёг на газон. На 24-й хвіліне француз пакінуў поле ў слязах, нацягнуўшы футболку на твар.
Пагба праводзіў усяго шосты матч у серыі „А” у гэтым сезоне. Футбаліст амаль увесь год лячыўся пасля пашкоджанняў. Ён упершыню выйшаў у старце ў красавіку 2022 года.
Беларускае Радыё Рацыя
Artykuł Пушкоў пакінуў пасаду галоўнага трэнера „Дынама” з Санкт-Пецярбурга pochodzi z serwisu БЕЛАРУСКАЕ РАДЫЁ РАЦЫЯ.