Івашка ўзняўся на 13 пазіцый у рэйтынгу АТР
Тыдзень таму Івашка займаў 86-е месца, а пасля выхаду ў чвэрцьфінал турніру ў Жэневе перамясціўся на 73-і радок, маючы 741 ачко.
Artykuł Івашка ўзняўся на 13 пазіцый у рэйтынгу АТР pochodzi z serwisu БЕЛАРУСКАЕ РАДЫЁ РАЦЫЯ.
Беларус Ілля Івашка ўзняўся на 13 пазіцый у абноўленым рэйтынгу Асацыяцыі тэнісістаў-прафесіяналаў. Тыдзень таму Івашка займаў 86-е месца, а пасля выхаду ў чвэрцьфінал турніру ў Жэневе перамясціўся на 73-і радок, маючы 741 ачко. Сёння Ілля Івашка выйдзе на старт адкрытага чэмпіянату Францыі ў Парыжы, дзе яго апанентам будзе аўстралійскі тэнісіст Алекс Ды Мінаур, які займае 19-е месца ў сусветным рэйтынгу.
У жаночым адзіночным разрадзе French Open тры беларускі ўжо правялі свае першыя паядынкі. Другая ракетка планеты Арына Сабаленка абыграла ўкраінку Марту Касцюк – 6:3, 6:2 і ў 1/32 фіналу згуляе з яшчэ адной беларускай тэнісісткай Ірынай Шымановіч, якая ўзяла верх над венгеркай Паннай Удвардзі – 6:7 (6:8), 6:3, 6:1. Аляксандра Сасновіч нечакана прайграла дацкай тэнісістцы Клары Таўсан – 2:6, 0:6.
„Лестэр” вылецеў з прэм’ер-лігі праз сем гадоў пасля сенсацыйнага чэмпіёнства
„Лестэр Сіці” вылецеў у другі дывізіён чэмпіянату Англіі праз сем гадоў пасля сенсацыйнай перамогі ў АПЛ. У заключным туры „лісы” змаглі перамагчы „Вэст Хэм” 2:1, але трох ачкоў заробленых імі хапіла толькі для таго, каб завяршыць турнір на 18-м месцы.
Падначаленыя Дзіна Сміта пакінулі вышэйшы дывізіён у кампаніі „Лідса” і „Саўтгемптана”. Іх у наступным спаборніцкім годзе заменяць „Бернлі”, „Шэфілд Юнайтэд” і „Лутон Таун”. У 2021 годзе „Лестэр” выйграў Кубак і суперкубак Англіі. „Мілан” у гасцях перамог „Ювентус” у матчы 37-га тура чэмпіянату Італіі — 1:0.
За тур да канца чэмпіянату „Мілан” з 67 ачкамі ідзе чацвёртым у табліцы. „Чырвона-чорныя” гарантавалі сабе ўдзел у Лізе чэмпіёнаў у наступным сезоне. „Ювентус” з 59 баламі на сёмай пазіцыі.
Артур Шылаўс прызнаны лепшым варатаром і MVP чэмпіянату свету
Вызначаны лаўрэаты ў кожным з амплуа па выніках чэмпіянату свету па хакеі, які завяршыўся напярэдадні ў Латвіі і Фінляндыі. Высокае прызнанне атрымаў латвіец Артур Шылоўс.
Брамнік краіны-гаспадыні быў названы лепшым сярод галкіпераў, а таксама атрымаў званне MVP усяго турніру. Шылоўс прыняў удзел у дзесяці матчах сваёй каманды. Яго каэфіцыент надзейнасці складае 2,2, працэнт адбітых кідкоў – 92,1. Тым часа самалёт з гульцамі зборнай Латвіі праляцеў над Помнікам Свабоды ў Рызе, дзе сабраліся заўзятары нацыянальнай каманды, каб адсвяткаваць поспех.
Зборная Латвіі заняла трэцяе месца, абыграўшыі ў авертайме зборную ЗША 4:3.
Славенскі велагоншчык Прымаж Рогліч выйграў „Джыра д’Італія”
Славенец Прымаж Рогліч з каманды Jumbo-Visma стаў пераможцам шашэйнай шматдзённай велагонкі „Джыра д’Італія”. Спартовец з Балкан захапіў лідэрства на перадапошнім, 20-м этапе прэстыжнай велашматдзёнкі. На подыуме агульнага заліку таксама апынуліся брытанец Герэйнт Томас з Ineos Grenadiers і партугалец Жаау Алмэйда з UAE Emirates.
Заключны этап спаборніцтваў, якія ўваходзяць у гранд-тур выйграў Марк Кавендыш з „Астаны”, які развітваецца з вялікім спортам пасля гэтага сезона.
Беларускае Радыё Рацыя
Artykuł Івашка ўзняўся на 13 пазіцый у рэйтынгу АТР pochodzi z serwisu БЕЛАРУСКАЕ РАДЫЁ РАЦЫЯ.