У Асіповіцкім раёне распачалі рамонт старой вайсковай часткі
У апошнія дні ў рэдакцыю выдання “Зеркало” прыходзіць вельмі шмат супярэчлівых паведамленняў аб размяшчэнні вагнераўцаў у Беларусі. У многіх з іх згадваецца вёска Цэль у Асіповіцкім раёне — нібыта найміты ПВК “Вагнер” будуць жыць ці то ў лесе, ці то ў закінутай вайсковай частцы непадалёк. Журналістам удалося верыфікаваць аднаго з суразмоўцаў, які жыве ў гэтым населеным пункце, – і ён пацвердзіў, што ў мінулую нядзелю на тэрыторыі, дзе раней размяшчалася 22-я ракетная брыгада, пачаліся працы.
Нагадаем, Аляксандр Лукашэнка ў аўторак, 27 чэрвеня, заявіў, што прапанаваў ПВК “Вагнер” заняць закінутую вайсковую частку, але якую менавіта – не ўдакладніў.
Artykuł У Асіповіцкім раёне распачалі рамонт старой вайсковай часткі pochodzi z serwisu БЕЛАРУСКАЕ РАДЫЁ РАЦЫЯ.