Новости за 14.02.2018

Нохчийчохь 2012-2013-чу шерашкахь байначу Бадургов Хьусейнан а, Элимханова Хадижатан хьокъехь бинчу талламех хеттарш дина Оьрсийчоьне Европан адамийн бакъонашкахула йолчу кхело, яздо "Къизаллашна дуьхьало латточу комитето". Бакъонашларъярхойн информацица, 2012-чу шарахь аьхка 25 шо долу Бадургов Хьусейн шен зудчуьнца а, 7 бутт болчу йоIаца а ГIалгIайчуьра Нохчийчу дIавахана, шена бан болх лахархьама. Шен йишига ПетIамате телефон тоьхна цо Товбеца-беттан 10-чохь, меттигерчу цхьана туькана балха оьцуш, къамел дан ваха везаш ву ша аьлла. Читать дальше...

Iамеркан Цхьанатоьхначу Штатийн къоман кхерамзаллан Агенталлан офисна хьалха герзаш кхийсаран бахьанашца кха стагна зенаш дина. Reuters агенталлан хаамашца, шеконашца лаьцна тIелатар динчех цхьаъ. Хиллачух дIахаийтина президенте Трамп Доналде. Мэриленд штатехь ю агенталлан гIишло. ХIусамна чу воьддучуохь иккхина инцидент. Хаамийн гIирсийн информацица, герзаш диттинчу меттигерчу кевнех кхетта Iаьржа машен.

КIиран юьххьехь Украинано Полша депортаци йина Гуьржийчоьнан хилла президент Саакашвили Михаил Нидерландашка кхаьчна. Кхааридийнахь хIолландхойн ANP информацин агенталло бина и хаам. Нидерландийн арахьарчу гIуллакхийн министралло бакъ ца йина и информаци Нидерландхойн пачхьалкхаллан яхархо ю Саакашвилин хIусамнана Руловс Сандре.

Оьрсийчоьнан президентан харжамийн кандидата Собчак Ксенияс  Лакхарчу кхеле кехат чуделла, харжамашка дакъалаца магош Путин Владимирна йина регистраци юхаяккха аьлла. "Собчак массарна а дуьхьал" аьллачу телеграм-каналерчу агIон тIехь зорбане яьккхина цо документан копи.

Нохчийчоьнан парламенто низаман проект кечйина тIеман ветеранийн сийдайинарг бехке озош, ишта даймехкан тIамех харцдерг дийцинчунна а, бакъдерг харцахьадаьккхинчунна а таIзар деш. Парламентан кхеташонехь бина и хаам парламентан спикеро Даудов Мохьмада. Низаман проект йийцарейийр ю парламентан кхеташонехь еаридийнахь. Кхеташонан жамIашка хьаьжжина пачхьалкхан Думе дIакхачор и низаман проект. Оцу документо хийцамаш бо федералан низамашкахь, бехкзуламан таIзар юкъадаладо тIеман ветеранаш сийсазбечарна а, беллачийн иэс талхочарна а. Читать дальше...

Шемахь Iамеркан Цхьанатоьхначу Штатийн кемаша динчу тохаршкахь байинчу кхин а кхаа Оьрсийчоьнан вахархочун цIераш билгалъевлла. Талламчийн Conflict Intelligence Team группано гулбина и хаамаш. Артиклехь вуьйцу Лахарчу Новгородан вахархо Шихов Алексей, Украинехь хьалхо тIемаш беш хилла волу. Иштта вийна "Триединая Русь" патриотийн организацин Владимр цIе йолу декъашхо, вуьшта "Апостол" цIарца вевзаш хилла. Свердловск кIоштан Кедровое олучу эвлара ву кхоалгIаниг, Гаврилов Руслан. Дахначу оршотдийнахь... Читать дальше...

Харжамийн комитето дехар дина Оьрсийчоьнан Хьалхарчу канале Путин Владимирх лаьцна Стоун Оливера яьккхина филм президентан харжамаш чекхбовллалц ма гайтахьара аьлла. Кхааридийнахь ЦИК-ан куьйгалхочо Памфилова Эллас дина и дIахьедар журналисташка. Ишта цо оцу юкъанна билгалдаьккхина, "Путинца интервью" ленти тIехь кхайкхамаш цахилар "кхаж таса я ма таса" аьлла а, я цхьангахьа а узуш меттиг цахилар а. Хьалхо "Яблоко" партино Хьалхара канал бехкейира, низамаш хьоьшуш, Путин Влдаимирна агитаци ярна. Читать дальше...

Дахаран хьелаш аьхна долчу регионийн керла талламан зераш Iорадаьхна статисташа. Цаьрца а догIуш, дикаллин гайтамаш болчу тептаре яьккхина Москох, Петарбух, Москохан кIошт а. 70 балл кхаьчна оцу регионашна. Дозалла дойла ю ГIезалойчоьнан а (65,59 балл), Белгородан кIоштан а (64,00), Краснодаран кIоштан а (62, 89 балл) бахархойн а. ГIирмерчу бахархойн хьелаш а хиллачаьрца дуьстича мел а гIолечу хьолехь гайтина кху шара (40 балл). Юккъерачу барамехь ю аьлла Нохчийчуьрчу бахархойн дахаран таронаш 36... Читать дальше...

Кхааридийнахь Европерчу адамийн бакъонийн кхелехь талла болийна Муртазалиева Зараан латкъам. 2004-чу шарахь террорхойн тIелатар дан кечам беш хиларна бехке а йина, бархI шой ах шой хан а тоьхна, набахте йоьллинера Москох ехаш хилла нохчийн йоI. Адамийн бакъонашларъярхоша чIагIдарехь, Iедалхоша пластид олу оьккху молха кхоьссинера цуьнан тIоьрмиг чу. Ткъа цуьнан дов хотту процесс дуккхаъчу кхачамбацаршца йоьзна яра. Оьрсийчохь шена тIехь йинчу кхелехь хилла цхьа могIа кхачамбацаршна тIе тидам а бохуьйтуш... Читать дальше...

Венерчу кхелехь кхаарий дийнахь дIайолаеллачу процессехь дов хоттуш ду кхаа стеган. Даханчу шарахь Австрерчу Санкт-Пельтен гIалахь терроран эккхийтарш дан кечам барна бехке беш бу и нах. Царах шиъ нохчийн къомах ву. 19 шой, 22 шой долуш ву и шиъ. КхозлагIниг 19 шо долу им диллина австрихо ву. Прокуратурано чIагIдарехь, и кхо стаг ДАIИШ тобанерчу цхьана нохчийн къомахчу тIемалочуьнца зIенехь хилла. Абу Нохь цIе йолчу цу тIемалочо омра дина хилла царна, Австрерчу цхьана гIалахь терроран тIелатар де, аьлла. Читать дальше...

Майлистори социалан машанехь Нохчийчоьнан парламентан спикеро Даудов Мохьмада, Куьршалара нах бертаза шайн хIусамашкара арабохуш бу бохуш, лела къамелаш, цхьа а бух боцуш ду аьлла, яздина. "Вайн мехкан куьйгалхочо бахархойн дахаран хьелаш тодархьама дерриг а деш ду. Иштта бара хьалхарчу президентан Кадыров Ахьмадан лаам а. Шен дех диссина гIуллакх дIакхоьхьучу Кадыров Рамзана адамийн сатийсамаш кхочушбо. Амма бу спекуляци а лелош, факташ хуьйцуш, харцдерг кхуллу нах. Цара са ца гатдо шайн махкахошна, бакъонаш ларйо бохуш, дIахьедарш дахь а. Читать дальше...

Къайлахчу тешо 1995-чу шарахь Буденновскна динчу тIелатарехь дакъалаьцна ву Даудов Бадрудди аьлла, чIагIо йинехь а, цуьнаа адвоктан дIахьедарца, оцу деношкахь иза шен цIахь хилла, балха а лелаш. Маршо Радионо яздира шинаридийнахь Даудовн хьокъехь кхелан кхеташо дIаяьхьна хиларх. Тешо иштта чIагIо йина, Буденновскна динчу тIелатарехь хилла 154 стаг вевзар вара шена, суьрташкахь бийца ца хаахь аьлла Махмудов Асланан псевдонимца вистхиллачу къайлахчу тешо. Буденновскехь Даудов хилла вац аьлла, тешна ву цуьнан адвокат Гуров Александр. Читать дальше...

Нохчийчохь кхиазхойх леташ яьржинчу видеон хьокъехь бехкзуламан гIуллакх айда дуьхьало йина талламчаша, зуламан хIоттам бац цуьнца аьлла, яздо "Мемориал" центро. Маршо Радионо яздира стохка ГIуран-баттахь бакъонашларъярхоша кхиазхошна еттарх прокуратуре бинчу хаамаех. Камерана хьалхха Шелковск кIоштарчу бахархошка гечдар дехийтира полисхоша церан дов хиллачу Иласхан-Юьртарчу бахархошна гергахь. WhatsАpp-ехь Iораяьккхинчу видео тIехь гуш ду, Иласхан-Юьртара божарий сийсазбиначарна етташ, барт хоттуш. Читать дальше...

Шен Телеграм - каналехь Нохчийчоьнан куьйгалхочо Кадыров Рамзана яздо, спекулянташа а, Малхбузен моттбеттаргаша а Iиттарш яхь а, республика юхаметтахIоттош белхаш ша дIабийр хиларх. Карарчу хенахь Куьршала гIалин статусе ерзо гIерташ, къахьоьгуш ду шаьш. И Iалашо кхочушъярхьама мехкан урхалло кхиош ю экономикан а, бахаман а сфераш аьлла Кадыровс. "Бахархошна тоьлла цIенош ду деш. Уьш реза а бу. Бертаза цхьа а вац чуьра аравоккхуш, бахархойн лаамца ду дерриг а. Наха кехаташна куьйгаш а яздо, шайн... Читать дальше...