Новости за 27.02.2018

ПIераскан буса Петарбухахь ФСБ-н "Град" спецназо Нохчийчуьра бахархой декъехь а болуш, ворхI стагах лаьтта зуламхойн тоба лаьцна. Еххачу хенахь талораш, къоланаш деш, ахчанаш дохуш, схьабогIуш хилла уьш, хаамбо "Новости" агениталло, ницкъаллийн структурашкарчу шайн хьосташна тIе а тевжаш. "Стаг лачкъоран", "Талораш даран" артиклашца бехкаш дехкина царна Петарбухарчу Талламан комитето. Болчу хаамашца, стохка гурахь йохка-эцаран  центрерчу ресторанехь бизнесхочунна го а бина, тапчанца кхерамаш а туьйсуш... Читать дальше...

Тоба а кхоьллина, тайп-тайпана талорш дарна бехке а бина, лецнера Германерчу Дрезден гIалахь бехачу нохчийн а, кхечу къаьмнех болу а божарий 2016-чу шеран гурахь. Дахначу шеран ГIадужу-баттахь йолаеллера церан кхел, амма масех баттана дIаттетинера иза. Лаьцнарг верриг а пхийтта стаг ву. Царах доккхах долу дакъа нохчийн къомах ду, немцойн Заксен лаьттарчу прокуратурано чIагIдарехь. Царна бехке дуьллуш ду, мафин кепехь банда а кхоьллина, нахера ахчанаш дахар а, летарш а, ткъа иштта наркотикаш а, герз а лелор а. Читать дальше...

Гергарчу Малхбалерчу тIеман конфликташкара цIа балочу зударийн, берийн юкъара база кхолла дагахь бу Нохчийчохь аьлла, хаамбо мехкан прокуратурано. Республикан Iедалхойн гIоьнца Шемара а, кхечу Гергарчу Малхбалера а цIа кхуьйлучийн юкъара база хила еза вовшахтоьхна аьлла прокурора Абдул-Кадыров Шарпуддис. Цо чIагIдарехь, церан бакъонаш ларъярхьама вовшахтухуш ю и база. Ишта аьттонаш хир бу боху цо, кхеу пчхьалкхашкахь дуьненчу девллачу берийн кехаташ юха меттахIитто а. Шемахь тIемаш бирзинчул... Читать дальше...

Дахначу мукъаденошкахь Чехин Iедалша Прагехь лаьцна хилла курдойн юкъараллан лидер Муслим Салихь дIахецна. Туркойчоьно дIавоьхушшехь, "Демократин союз" партин хилла лидер Муслим Праган муниципалан кхело маьршавоккхуш сацам бина. Иттанашкахь цуьнан агIончаш гулбеллера кхелан гIишлонна хьалха иза маьршаваккхар доьхуш. Оршотдийнахь 200 стага демонстрацеш дIаяьхьнера Прагехь, Муслим дIахецар тIедожош. Маршо Радионо хаамбира, Туркойчоьно Интерполехула лехамашка валаран бахьанашца лаьцнера Муслим Прагехь кху беттан 24-чохь, аьлла. Читать дальше...

Оппозиционер Немцов Борис дагалоцуш, иза вийначу Доккхачу Москворецкан тIай тIе зезагаш а дохкуш, гулбелира политикаш а, юкъаралхой а шинаридийнахь. Маршо Радион корреспонденто дийцарехь, баьхкинчарлахь бара Оьрсийчоьнан президенатн харжамийн кандидаташ Явлинский Григорий а, Собчак Ксения а, ПАРНАС-ан лидер Касьянов Михаил а, оппозиционер Гудков Геннадий а, бакъонашларъярхо Пономарев Лев а. Иштта зезагашца баьхкинера Литван, Швецин векалш а. Шинаридийнахь кхо шо кхечи Немцов Борис вийна. Иштта... Читать дальше...

Нохчийчохь теллина дели 38 шо долчу Гуьмса кIоштарчу вахархочунна дуьхьал даьккхина гIуллакх. Иза бехкевора, шен юьртахо вен а вийна, цуьнан дакъа дагорна. Талламчийн версица, стохка гурахь Гуьмса кIоштарчу Керлачу Энгенойн эвлайистехь шен накъосташца садоIуш хилла бехкевийриг. Шайца болчу цхьанца дов иккхина хилла цуьнан, бехкевечун гергарчеран сийдойуш вийначо къамелаш а деш. Гулбелларш дIасабоьхча, буй тоьхна кхетамчуьра ваьккхина хилла цо иза.   Цул тIаьхьа кIесаркIагтIе шозза диг тоьхна, вийна иза зуламхочо. Читать дальше...

Лондонерчу Шеман адамийн бакъонашкахула йолчу мониторинган тобано дIахьедарца, Оьрсийчоьно маслаIат динехь а, Малхбалерчу Гутехь кеманца тохарш юхадолийна шина гIалахь. Шеман тIеман хьосташа бакъ ца йо и информаци. Шифуний а, Афтарис а гIаланашкахь кеманаша бомбанаш йиттина аьлла Британин мониторинган группано. Маьршачу нахана арабовла биллинчу некъа тIе минометца кхийсарш йина аьлла, Малхбалерчу Гутера гIаттамхой бехкебира оьрсийн эскархоша шинаридийнахь, яздо Оьрсийчоьнан информацин агенталлаша. Читать дальше...

177 000 евро - оццул ахча лачкъийна оьрсийчой, цуьнан накъосташий Австрерчу банкоматаш чуьра. Москохахь такси тIехь болх беш волу и стаг лерина веана хилла Австре, банкоматашкахь къоланаш дан. Санк-Пелтенехь кхеле озийна волчу оьрсийчо керла софтвер кхоьллина хилла, банкоматашка ахча аратасийта. Шен ноутбук тIера банкоматан системе сигнал цо яхьийтича, банкоматан блокада дIа а йолий, ахча схьалуш аратосуш хилла. Оьрсийн талорхойн бандин декъашхоша банкоматана уллехь собар а дина, ахча схьаэцчахьана долуш хилла. Читать дальше...

Iамеркан Цхьанатоьхначу Штаташа Оьрсийчоьнна дуьхьал керлачу санкцийн пакет йоккхур ю гергарчу 30 деношкахь. Шинаридийнахь Калифорнерчу университетехь вистхуьлуш дина и дIахьедар Iамеркан финансийн министро Мнучин Стивена, дуьйцу Bloomberg агенталло. Хьалхо Сенатехь ладегIаршкахь а элира Мнучина, санкцешна тIехь беш болу болх кхочушбийр бу аьлла. Масех Оьрсийчоьнан бахархошна дуьхьал санкцеш яха кечам беш хиларх дIахаийтира дахначу кIиранах Iамеркан пачхьалкхан секретаро Тиллерсон Рекса а. КIайчу цIийнерчу шен хьосташна тIе а тевжаш... Читать дальше...

Оьрсийн оппозицини политик Немцов Борис верна бехке мел болучарна таIзар дина хиларх тешна хила деза аьлла, кхайкхам бина Вашингтоно Оьрсийчоьнан Iедалшка. Пачхьалкхан департаментан сайтехь бо и хаам. Динчу дIахьедарехь билгалдоккху, "демократин боламехь" Немцов коьртехь хилла хилар а, шен доллу дахар юкъараллан интересаш хьалха а яьхна, Оьрсийчоь маьрша, кхиаме хилийтар цуьнан коьрта Iалашо хилла хилар. Немцовх болчу дагалецамаша оьрсий а, кхечу къаьмнийн векалш а иракархIиттабо маршонехьа болчу халачу... Читать дальше...

Нохчийчохь газан баллон иккхина 10 стаг, шайлахь 4 бер а долуш, лазийна. ТАСС агенталле бина и хаам махкарчу орцан министраллло. "Шела кIоштарчу Эвтарахь хIусамехь хилла и эккхийтар", - дийцина агенталле министраллан векало. Цо бахарехь, чевнаш йина итте а стаг дарбан цIийне кхачийна. Газ эккхаран бахьанаш толлуш, белхаш бу дIахьош карарчу хенахь.

ГIалмаккхойчуьра Цугиев Iимран а, Нохчийчуьра Мальцагов Сулейман а лаца кхакйкхийна Москохан Лефортовн кхело. Кхелан сацамца, террорхойн тоба кхолларна бехкевина Цугиев а, Мальцагов а лаца дезаш ву аьлла кхелан секретаро Краснова Екатеринас. Цугиев Iимранна бехкедуьллу, террорхойн организаци а кхоьллина, цу юкъа кегийрхой ийзорна а, бакъо йоцуш герз лелорна а. Мальцагов бехке лору террорхойн тобанехь латтарна а, герз лелорна а. Росфинмониторинган сайтехь терроризман декъах хиллачийн тептарехь ву ший а.