Новости за 24.02.2018

"ТIом а, тIом а“ цIе йолуш ю дуккха шерашкахь Нохчийчуьрчу тIамех лаьцна яздеш хиллачу журналистан, эпсаран Измайлов Вячеславан керла книга. Цуьнан презентаци хилла Москохарчу Сандлеран продюсерийн центрехь. Хьалхара тIом болчу хенахь Измайлов оьрсийн эпсар санна кхаьчнера Нохчийчу. Цигахь оьрсийн эскарш лелочух цецваьлла иза тIеман репортер хилира. Новая газетин лерина корреспондент санна дуккхаза а Нохчийчохь хилла волу иза „майор Измайлов“ санна вевзаш ву массарна а. ХIинцалераниг цуьнан шозлагIа книга ю Нохчийчохь хиллачу тIамех лаьцна. Читать дальше...

Полшехь лаьцна Украинера хIакер. Иза чуволла мегаш ву, 30 шо хан а тоьхна. Цунах лаьцна хаам бо зорбанан гIирсаша. ХIакеран цIе йоккхуш яц. Хууш ду цуьнан 44 шо хилар. Украинин вахархо лаьцна Полшин коьртачу бюроно, Iамеркан Федералан талламан бюроно гIо а деш. Иза лоьхуш хилла Интерполо. Цу стагана бехке дуьллуш ду нехан кредитан картанашна тIера ахча лечкъор. Украинхо декъашхо хилла иттаннаш миллионаш ахча лечкъийначу хIакерийн тобанан. Гергарчу хенахь иза дIалур ву Цхьаьнаьнатоьхначу Штаташна.

Веданан кIоштарчу Хой эвлахь шира маьждиг а, хьуьжар а, тIеман бIов а, адамаш чохь Iийна шира хIусам а юхаметтахIотто сацам бина Нохчийчуьрчу Iедалша, хаам бо ТАСС агенталло. Хойхь архелологашна карийна ширачу заманахь (2,5 эзар шо хьалха) таллархой Iийна метигаш. 19-чу бIешарахь (1867) цу эвлахь тIулгех йинчу 200 сов хIусамехь вехаш хилла 2000 гергга стаг. Карарчу хенахь цу гIишлойх херцарш бен кхин дисина хIума дац. ЮхаметтахIиттийначу културан объекташа шайна тIе тидам бохуьйтур бу туристийн, аьлла сатесса ду Нохчийчуьра Iедал.

Налчикехь кхеле озийна ГIебартойн-Балкхаройчуьра а, Кубанера а, бер дохкарна бехке йеш йолу, кхо зуда, хаам бо "Кавказ.Реалиино", Ставрополье.tv хьастана а тIе а тевжаш. Болчу хаамца, 2017-чу шарахь ГIадужу-баттахь берах йолчу ГIебартойн-Балкхаройчуьрчу яхархочо сацам бина хилла иза дохка. Лула-куларчу зудачуьнга дехар дина хилла цо, бер оьцур долу нах лахахьара аьлла. 100 эзар соьмах иза эца реза хилла Анаперчу яхархо. Мах бина Лахьан-беттан 3-чу дийнахь, кIант вина кхо де а далале. Амма цуьнгахь бер ца гуш дикка хан яьлча... Читать дальше...

Нохчий а, гIалгIай а бохийна махкахбахар дагалацаран суьйре хилла Истанбулехь, хаам бо "Кавказский узело". Иза цхьаьнатоьхнарш бара Туркойчуьра нохчийн диаспоран векалш. Гулбелларш хьаьжира Оьрсийчохь гайта йихкинчу "Омра дина дицдан" цIе йолчу филман кийсакашка. Маршо Радионо хьалхо хаам бина ма хиллара, вайнах махкахбаьхна де дагалецира ГIалгIайчохь а, ткъа иштта дуккха а Малхбузерчу пачхьалкахь а. Нохчийчохь къам дохийна де дагалацар дихкина ду 2011 чу шарахь дуьйна. Иза дIатеттина Стигалкъекъа-беттан 10-че. Читать дальше...

Батаева Хеда. Сийна Сибрех Суьлхьанан буьртигаш пIелгашца керчадеш, МаьркIажан боданаш тийналло Iадош, БIаьрхишца Iийдалуш мел гина эрчонаш, Сих-сиха йоьлхуш Iаш хуьлура Баба. Масех шо кхаьчна бер ду со цу заманчохь, Ца хIуттуш маьркIажан тийналла йохон, Сайн Бабин бIаьргаш чу йижначу паналле Хатта ца хIуттуш со и хIунда йоьлху. Де-дийне долура, йоьлхура Баба сан, Цхьатерра хуьлура маьркIажан бода, Эххар а, хIетахь а туьйранех хаданза, ГIоьрти со сайн Бабин къайлене кховда: Хьо хIунда йоьлхуш ю, бIаьрахиш Iенадеш? Читать дальше...

Iамеркан президенто Трамп Доналда дIахьедар дина, Шемахь чолхе гуманитаран хьал хIоттарна жоьпаллехь ю Оьрсийчоь а, ГIажарийчоь а, ткъа иштта меттигера Iедалш а. Австралин премьер-министрца Тернбулл Малкомца цхьаьна шен хиллачу зорбанан конференцехь Трампа элира, "Оьрсийчоь а, ГIажарийчоь а, Шеман Iедалш а жоьпаллехь ду, Шемахь "гуманитаран вон леларна" аьлла. Цунах лаьцна хаам бо CNN.

Вайнах махкахбаьхна де гуламца билгал а доккхуш, Оьрсийчоьнан куьйгаллина дуьхьал дов айдар Дуьненаюкъарчу Трибунале деха ХIаагехь Чиллан-беттан 23-чу дийнахь цхьанакхийтира Европерчу нохчийн диаспорийн векалш. Цара дIакхачийна кхеле нохчашна дуьхьал дина зуламаш дуьйцу материалаш. Цигара ю хIара видео.