Новости за 02.03.2018

Немцойн Мюнхен гIаларчу Форум Ислам цIе йолчу цхьаьнакхетаралло сацам бина, цу гIалахь шелонаш хIиттинчу муьрехь хIусам а йоцуш, арахь бисина миска нах буьйса яккха маьждига чу бига. Мюнхенерчу Хоттерштрассерчу доккхачу маьждиган чоьнаш шело дIаяллалц чубаха меттиг йоцучу, арахь буьйсанаш йохуш болчу нахана схьайиллина бусалбачара. Буьйса яккха маьждиге баьхкинчарна бийша меттиг а, ткъа иштта бовха кхача а латтабо Форум Ислам цхьаьнакхетараллан белхахоша. Цуьнан куьйгалхочо Бенжамин Идриса тIечIагIдира Маршо Радионе... Читать дальше...

Шоьтадийнахь Лужникехь Путин Владимиран агIончаша хIотточу митинг-концерте гулбен пачхьалкхан белхахой а, студенташ а, цхьайолчу компанийн белхахой а я бертаза гулбеш бу, баьхкинчарна хIоранна а 500 сом кхачор ду аьлла. Хаам гучубаьккхина massovki.net сайтан агIонехь, дуьйцу "Эхо Москвы" радиостанцино. Цо бахарехь, ца лаахь а, лууш санна гулбеш бу оцу митинге Москохарчу коммуналан хьукматийн (Мосводоканалан, Гормостан, "Жилищникан" белхахой а.  Кхечу регионашкара студенташ а балор бу аьлла оцу бараме. Читать дальше...

Террорхошца юкъарло лелийна аьлла бехкевинчу Капланов Мохьмадан дов листина даьлла Ростов гIаларчу Къилбаседа-Кавказан тIеман кхело. Суьдхоша къастийна, 2016-чу шеран аьхка Соьлж-ГIаларчу цхьана маьждигехь шен шина накъостана Шемарчу "Исламан пачхьалкх" шех олучу тобанах дIакхета хаздеш хилла хилар Каплановс. ТIебиллинчу бехкаца а догIуш, кхело Капланов бехкехилар тIе а чIагIдина, 6 шо набахтехь даккха хан тоьхна цунна.

ПIераскан Iуьйранна Бакохара наркологин центрехь цIе яларан бахьанашца 20 сов стаг велла. Азербайджанан хаамийн гIирсийн зерашца, лаххара а 2 эзар пациент а, хьукматан белхахой а кIелхьарабаьхна орцанхоша. Болчу хаамашца, Iуьйранна 6 сахьт долучу заманчохь гIишлон цхьахйолчу корпус чохь цIе кхерстина. Бехкзуламан гIуллакх а диллина, цIеяларан бахьанаш зуьйш ду.

Нохчийчохь "Мемориалан" куьйгалхо Титиев Аюб дIалоцучу хенахь полисхоша низамаш хьешна меттиг ца карийна Оьрсийчуьрчу Инарла прокуратурана, хаамбо "Интерфаксо". Бакъонашларъярхо бехкево наркотикаш лелорна. Титиевс а, цуьннан белхан накъосташа а наркотикаш Куьршаларчу полисхоша цунна кхийсина ю бохуш, чIагIдо. Дечкен-беттан 9-чу дийнахь дуьйнна лаьцна латтош ву Титиев Аюб. Дуьненаюкъарчу бакъонашларъярхойн организацеша Оьрсийчоьнан Iедалшна Титиев маьршаваккхар тIедожийна. "Мемориал" агенталло политикан тутмакх хилар дIакхайкхийна иза.

Еарийдийнахь президента Путина ша хIора шарахь Федералан кхеташоне ден дIахьедар довзуьйтуш элира, Оьрсийчоьно керла тIомайолу ракета а, хин бухахула лела зарратан кеманийн система а арахецна, амма оцу герзна цкъачунна цIе тиллина яц, аьлла. Нохчийчоьнан куьйгалхочунна Кадыров Рамзанна хетарехь, Оьрсийчохь хIора вахархо а ву  шена товш хета цIе яккха йиш йолуш – цундела цо Шемахь беллачу оьрсийн салтийн сийнна "Пальмира" цIе тилла еза боху керлачу ракетанна.   "Терриристаша  гобича, " х1ара шуна к1ентех а ду!" олуш... Читать дальше...

Соьлж-ГIалин кIоштарчу Iалхан-Юьртахь долчу массех маьждигна тIе схьадиллина 100 стагна лерина керла маьждиг. Иза схьадоьллуш дакъалаьцна кIоштарчу Iеламнаха а, дуккха а могIарчу бахархоша а. Маьждиг хIоттийна Кадыров Ахьмадан цIарахчу республикан фондан ахчанах, хаамбо мехкан прессехь.

Оьрсийчоьнан чоьхьарчу гIуллакхийн министралло хьесап дина дахначу шарахь бахархоша лечкъийначу машенийн. Оцу урхаллана тIе а тевжаш,  Nation News портало бинчу хаамца, 22 эзар гергга машен лачкъийна Оьрсийчохь. Массарел дукха къоланаш дина Петарбухахь, Москох. Уггаре къезиг нехан машенаш идийна Нохчийчохь, ГIалмакхойчохь, Ненцийн автономехь. Кхечарел алсам идочу машенех ю Lexus а, Toyota а, чIагIдо Оьрсийчоьнан прессехь.