Новости за 23.03.2018

Чумаков Хьамзата ша Несар-коьртан маьждиган имаман даржера дIавала воллу аьлла, дIахьедар дина пIераскан дийнахь. И хаам цо бина маьждигехь Рузба дIадаьллачул тIаьхьа. Шена дIавала лааран бахьанаш ца дийцина Чумаковс. Рузбане гулбелллачу наха аьттехьа тIе ца дитина иза дIавалар. Дукха наха ца магийна цунна иза. Цуьнах хаам бина маьждигехь хиллачу наха. Чумаков Хьамзат Къилбаседа Кавказехь вевзаш имам ву. Цуьнан хьехамашка ладогIа дукха нах гулло луларчу мехкашкара а. Чумаков гIараваьлла Iедалшна ира критика ярца. Читать дальше...

Скрипал Сергейна дIовш малорна Германино а, Полшо а, Эстонино а, Латвино а, Литвано а шайн махкара арабаха мегаш бу Оьрсийчоьнан дипломаташ. Цунах лаьцна хаам бина Британерчу The Guardian газето. Европан Кхеташонан президенто Туск Доналда шен "Твиттерехь" йолчу агIона тIехь хаам бина, Европа ерриг а ю Британина хетарг хеташ аьлла. Цул хьалха хаам баьржира Евроберто Москохара дIакхойкхуш ву шен векал аьлла. Брюсселехь хиллачу цхьаьнакхетарехь Скрипална а, цуьнан йоIанна дIаьвшен тIелатар дар... Читать дальше...

Герзаца хиллачу стага закъалтхой лецна Францин къилбехь йолчу Треб гIалахь. Цо дIахьедар дина, ша «Исламан пачхьалкх» тобанан агIонча ву аьлла. Францин зорбанан гIирсаша яздарехь, вевзаш воцучу стага, полисхошна герз а тоьхна, туькана чу а иккхина, лецна закъалтхой. Reuters агенталло дийцарехь, верриг а 8 стаг ву цуьнан карахь. Полицино хаам бина царах цхьаъ вийна хиларх лаьцна. Бохам хиллачу метте хьажийна Францин жандармерин антитерроран тоба. И кIошта гоне лаьцна ю. Францин премьер-министро Филипп Эдуарда дIахьедар дина... Читать дальше...

Нохчийчуьрчу ерриге музыкан школашкара дешархоша дакъалецира пианино локхуш Соьлж-ГIалахь хиллачу «Исбаьхьа пиллиг» къовсадаларехь. Тоьлла пианисташ къасточу жюрехь бара ХIирийчуьра, а Дагестанера а, меттигера а говзанчаш.

Китайн махбаран министралло ПIераскана дийнахь довзийтина, къовсаме хаттарш кхочуш ца дахь, шаьш ял юьллур йолу Iамеркан сурсаташ. Еарин дийнахь президентан Трампан администрацино дIакхайкхийра, шаьш керла тарифаш юкхайохуш ю Китайра экспорт ечу сурсаташна аьлла. Кхин а ши кIира даьлча Iамеркан арахьарчу махбаран урхалло дIакхайкхо дезаш ду билггала муьлха сурсаташ ду дуьйцурш. Iамеркерчу биржано вочу агIор реакци йина еарин дийнахь Китайца махбаран тIом болабала мега аьлла. Коьртачу биржийн индексаш охьаевлла 3 процентана.

Батаева Хеда. Зарзаре     Ахь хьайн зевнечу озаца Хаза ламанаш хастадахь, Оцу ломахь тIулг керчича, Хьуна къиг лоь, я хенакIур. Хьаннийн хотешка доьссина, Диттан тIера га ластадахь, Зарзар, хьох цара хьерчадо Чу мел боьжначу бенан къа. Ахь хьайн зевнечу эшарца Цхьаннан самукъадаьккхича, Дас дIатесначу бешара БIаьсте аьзнашка яьккхича, Хьуна ала дош карадо Хьо ца дезачу къийгашна, Хьох шайн дийцараш цара до Вовшийн тойнашка хийшарца. Дукха Iийра хьо, тIехдукха, Къийгийн гIовгIано Iадийна... Читать дальше...

Москох еарин сарахь вийна Дагестанера вахархо. Цунах лаьцна хаам бина "Опер слил" олучу Telegram канал-о. Кхелхинарг ву 1997-чу шарахь вина Магомедов Арсен Назимович. Полисхоша бинчу хаамца, цуьнан дов даьлла хилла, дийцарехь, Юккъерчу Азера схьаваьллачу Мухьаммад цIе йолчу стагаца. Юкъаметтигаш тIаьхьо къасто хан йиллина цу шина стага. Сарахь 8 долуш Магомедов шен накъосташца дIакхаьчна йиллинчу метте. Цигахь хиллачу латарехь чов йинчул тIаьхьа Магомедов велла, накъосташа дарбанан хIусаме дIавуьгуш.

Iамеркан президенто Трамп Доналда дакхайкхийна, Цхьаьнатоьхначу Штатийн Цхьанакхеттачу Къаьмнийн Вовшахтохараллехь векал хилла Болтон Джон шен къоман кхерамазаллехула волчу хьехамча хIотто сацам бина ша аьлла. Болтон шен декхарш кхчуш дан волалур ву Охан-беттан 9-чу дийнахь дуьйна. Цо хуьйцур ву цу даржехь, стохка Чиллан -баттахь Флинн Майкл дIаваханчул тIаьхьа, президентан кхерамазаллехула волу хьехамча хIоьттина хилла инарла Макмастер. Болтон вевзаш ву шен консерваторийн ойланашца. Охан-беттан 15-чу дийнахь... Читать дальше...