Новости за 08.06.2018

Францера Нохчийчу боьдучу нохчийн доьзалера ши адам а дуьйш, некъахьовзам хилла Оьрсийчуьрчу Сомоленскана гергахь. Кавказ.Реаллино дийцарехь, бохам хилла Мангалан-беттан 7-чохь буьйсанна. Францехь вехаш волу Джунтаев Расул а, цуьнан хIусамнана а, цу шинан кхо бер а хилла Страсбургера Соьлж-ГIала доьдуш.  Цхьана маьIаргонна уьш чохь болу "Мерседес" микроавтобус, некъах а яьлла, тIекхетта некъана йистехь лаьтташ йолчу асфальт буьллучу машенна.  Джунтаев а, цуьнан хIусамнана циггехь делла. Цу... Читать дальше...

Кхаа денна лиринчу визитца Китай вахана Путин Владимир. Кху тIаьхьарчу цхьана шарахь иза кхоалгIа визит ю цуьнан Китай. Малхбузено шех дIахадийначул тIаьхьа цу пачхьалкхаца юххера юкъаметтигаш дIанисъян гIерташ ю Оьрсийчоь. Оьрсийчоьнан президент цхьаьнакхетта Си Цзиньпинца а, кхин болчу а Китайн куьйгалхошца. Си Цзиньпинца цхьаьна Путин хахкавелира сихаллин цIерпоштана тIехь. Си Цзиньпина Оьрсийчоьнан куьйгалхочунна елира Китайн Халкъан Республикан ДоттагIаллин орден, хаам бина Кремлан зорбанан сервисо.

Австрехь толлуш ду 7 шо долу нохчийн йоI Хадишт кIиза ер. Бехкениг ву 16 шо долу кхиазхо Роберт. ЧIирхоша верна кхоьруш карарчу хенахь иза къайлахчу меттигехь латтош ву меттигерчу полицино. Адам дерна бехке веш волу кхиазхо коьртаца муха ву къастош бу лоьраш. Цкъачунна цуьнан могушалла теллинчу шина экспертана цхьана а цамгаран лар ца карийна цуьнгахь.  ХIинцале а къастийна Роберт шизофреник ца хилар а, цунна цхьа а аьзнаш хезаш ца хилар а. Гуш ду цуьнан вуно чIогIа адамашка цабезам хилар, яздо Австрерчу Oe24 зорбанан гIирсо. Читать дальше...

Австрин чоьхьарчу гIуллакхийн министро Кикл ХIерберта хаам бина, Туркойчуьра ахча оьцуш волу 60 гергга имам шайн махкара араваккха дагахь ду шаьш аьлла, яздо Кавказ.Реалиино. Иза дакъа ду Австрин Iедалша "политикан исламца" къийсам дIабахьа йолинчу кампанин. Iедалш иштта дагахь ду 7 маьждиг дIакъовла. Царна юкъахь ду Венера туркойн маьждиг а,  "Iаьрбийн динан юкъараллан" чоьтах латтош долу 6 маьждиг а, хаам бо AP (Associated Press) Хьалхо Австрин Iедало хаийтира берийн бешашкахь а, юьхьанцарчу... Читать дальше...

ГIалгIачуьрчу Несарахь лерринчу операцехь 2 стаг а, цхьа зуда а дийна меттигерчу ницкъаллин структурийн белхахоша. Къоман антитерроран комитето (НАК) уьш тIемалой бара бохуш чIагIдо, терроран чулацам болу зулам дан дагахь хилла. Цунах лаьцна хаам бо ТАСС агенталло. Меттигерчу низамаш лардечу органашкарчу хьастана тIе а тевжаш, цу агенталло яздо 2 стаг а, цхьа зуда дийначул тIаьхьа цаьрца хилла кхин цхьа стаг каравахана Iедалшна бохуш. И хаам официалан кепара тIечIагIбина бац. Хууш дац байинчера цIерш муха ю.

Куруш олучу дагестанхойн эвлахь адамаш устагIий бахьана долуш беха. Оцу дийнаташа шайн дайшна латтайо юург, ягорг - массо а меттигашкахь хьалайоьттина гIий ю. ХIинццалц схьа устагIий узуш Дагестанех йисинчу яртех цхьаъ ю Куруш.

ГIалгIайчоьнан куьйгалхо хоржур ву Юкъара кхаж тосучу дийнахь Гезгмашин-беттан 9-хь. Цу тайпа сацам бина ГIалгIайн Республикан парламенто. Оьрсийчоьнан низамашца а догIуш, республикан Халкъан Гуламехь векалш болчу хIора партино уггаре дукха 3 кандидатура хьажор ю Оьрсийчоьнан президенте харжийта.   Царах кхо стаг а къастийна, президенто кхоже юьллур ю церан кандидатураш республикерчу параментехь. Цул тIаьхьа 20 де далале депутаташ декхарелахь бу цу кхааннах республикан куьйгалхо харжа. ГIалгIайчохь... Читать дальше...

Дагестанерчу дешархойн наной дера бу, экзаменаш дIалучу хенахь шайн берех тIех лерина талламаш барна

Оьрсийчохь кху деношкахь дIайолалуш йолчу футболан чемпионатехь дакъалоцуш болу Мисаран футболхой Соьлж-ГIалахь бешмайдане бевр бу тIедогIучу кIиранан дийнахь, Мангал-беттан 10-чохь. Цунах лаьцна хаам бо "Сhechnyatoday" агенталло. "Ахмат-Аренехь", луучеран хьажа аьтто а беш, тренинг йир ю цара шайн хьалхарчу ловзарна кечлуш. Иза хир ду Уругвайн футболан тобанца Екатеринбургехь Мангал-беттан 16-чу дийнахь. Мисаран футболхоша тренинг еш цаьрга хьожур болчерах дукхахадерш бераш хир ду. Цунах лаьцна... Читать дальше...

Путинан "Прямая линия" программехь Нохчийчоьнах хьакхалуш долу хаттарш ца хиларо гойту тешам хилар а, республикера хьал цхьанаэшшара дIанисделла доьдуш хилар а, амма цо дIа ца йоху республикехь йолу проблемаш, аьлла хета Нохчийчоьнан куьйгалхочунна Кадыров Рамзанна. Цунах лаьцна йоза дитина цо шен «Вконтакте» йолчу агIона тIехь. Кадыровс дийцарехь, Нохчийчоьнах лаьцначу долчу муьлхха а хаттарна жоп дала кийча а волуш, шен Iедалхошца цхьаьна тергонехь латтош вара иза Путинан эфир. Делахь а Кадыровн... Читать дальше...

Нохчийчуьрча вахархочо рез вац Кадыровн 26 шо долу гергара стаг Кадыров Хас-Мохьмад чоьхьарчу гIуллакхийн министраллан Соьлж-ГIаларчу урхаллан куьйгалхо хIотторна. Цунах лаьцна хьажийна цо еарин дийнахь Путинца хиллачу "Прямая линия" программехь. Цунах лаьцна хаам бо Кавказ.Реалиино, News Tracker зорбанан гIирсана тIе а тевжаш. "Лахара лейтенант Соьлж-ГIаларчу милицин хьаькам муха хIоттийна?", - хаьттина шен цIе ца йовзийтинчу хаттаран авторо. Хас-Магомед Кадыров хьакаман дарже хIоттийра 2017-чу шеран Лахьан-баттахь.