Новости за 10.09.2018

Брестан дозанхоша Каменецкан кIоштахь низамаш хьоьшуш шайн лаьтта тIехула  дехьавала гIерта кхо стаг дIалаьцна, хаамбо Госпогранкомитетан сайтерчу информацица БЕЛТА хьостано. КIирандийнан сатосучу хенахь хилла и инцидент. Белоруссин, Полшан дозанашна гена йоццучу меттигехь тIеIоттабелла царна дозанхой. Лецнарш Гуьмса кIоштара бахархой бу. Церан Iалашо хилла Малхбузерчу Европе дIакхача. Административан процесс йолийна царна дуьхьал. Белорусси бахка 5 шарна дехка а доьхкуш, депортаци йийр ю царна шайн даймохка. Читать дальше...

ОвхIанистанерчу туркменаш бехачу Балх провинцерчу Шортепара цхьана доьзало барт бина 14 эзар долларах шен 16 шо долу йоI, 70 шо долчу воккхачу стаге маре яла. Шен ма-хуьллу сиха ахча вовшах тоха гIерта къано.

Шекспир Уильяман "Аьхкенан буьйсан гIан"  ("Сон в летнюю ночь") цIе йолу спектакль хIотторна театран ши белхахо дIалаьцна  ГIажарийчохь. Iедалхоша дIахьедарехь, Исламан республикан низамаш дохадо оцу спектакло, хаамбо Associated Press агенталло. Кхелан сацамца лаьцна театран режиссер Каземи Марьям а, менеджер Ассади СаIид а. КIиран суьйранна дIалецна уьш, Интернетехь шаьш хIотточу спектаклех видеоролик Iораяьккхича. Оьздангаллин министраллехь хаамбина, лаьцна хилла шиъ 24 эзар доллар закъалтна а делла, араваьлла. Читать дальше...

Соьлжа-ГIаларчу "Мемориал" офисан куьйгалхочунна Титиев Аюбна а, режиссерна Сенцов Олегна а тIехIитта жигархой баьхкинера Варшаверчу ОБСЕ-н конференци. Маршо Радионо ма-яздарра, Товбеца-беттан 19-чохь дуьйнна Шела гIалин кхелехь хоттуш ду Титиевн дов. Дахначу еаридийнахь кхеле баьхкинера Швецин Civil Right Defenders организацин бакъонашларъярхой. ХIора шарахь хIотточу ОБСЕ-н конференцехь Варшавехь жигархойн тийналлин акцица болийра болх, хаамбо "Мемориал" центро шен Телеграм-каналехь. Жигархоша тIейоьхначу Iаьржа а... Читать дальше...

Каспийскехь карийна беран чалх кхиазхочун ю, 8 шо долчу Омарова Калиматан ца хилла иза, хаамбо "Кавказ.Реалии" портале Дагестанерчу церан хьосташа. Хьалхо "Къилбаседа Кавказан бакъдерг" газетано ницкъаллийн структурашкарчу шен хьостанна тIе а тевжина, дIахьединера, хинан каналчуьра хьаладаьккхина дакъа Омарова Калиматан хила тарло аьлла. Маршо Радионо яздира, Товбеца-беттан 29-чохь, бепиг эца яхна 8 шо долу Омарова Калимат ярах. Эзарнашкахь наха лоьхуш ю иза, амама ларах кхетта бац хIинца а.

Нохчийн Республика йозуш йоцуш пачхьалкх хилар дIакхайкхийна 27 шо кхаьчна. Иза дагалецира дуккха а пачхьалкхашкахь нохчийн юкъараллаша а, цхьаьнакхетараллаша а.

Идлибна дечу тIелатарехь Шеман президенто Асад Башара шен эскаршна магийна хлор а цхьана, химин герз лело. The Wall Street Journal агенталло бо и хаам, Iамеркан талламан урхаллерчу хьосташна тIе а тевжаш. Нагахь Шемахь химин герзах пайдаэцахь, Iамеркан Цхьанатоьхначу Штатийн тIеман министралла царна дуьхьал бекхамбан варианташ кечъеш ю. Цкъачунна сацамбина бац Iамеркан президенто Трамп Доналда, оьший-те Димаьшкъаца юкъахь лелачу Оьрсийчоьнан а, ГIажарийчоьнан а эскаршна тохарш дан аьлла. Кхо миллион вахархо а вехаш... Читать дальше...

Уьрсаца динчу тIелатарехь ворхI стаг лазийна Парижехь. Веанна дера чевнаш йина. Великобританера ши турист ву царлахь. ТIелеттараг дIалаьцна полисхоша. Болчу хаамашца, ОвхIанистанера орамаш долу стаг ву иза. КIиран суьйранна гIалин Къилбаседа Малхбузерчу кIоштахь хилла и инцидент. Журналисташа Iорадаккхарца, бахьана а доцуш, кинотеатре баьхкинчу нахана тIелетта зуламхо юьхьанца, цул тIаьхьа урамехь дIасалелачу нахана балеваьлла. Рейтерс агенталло хаамбарца, полицино цкъачунна хилларг теракт санна ца лору.

Деллачу жимачу беран чалх чохь йолу тIоьрмиг баьккхина Дагестанехь татолчуьра. Хила тарло иза бутт хьалха Каспийскехь яйначу 8 шо долчу Омарова Калиматан дакъа. "Къилбаседа Кавказера бакъдерг" хьостано шайн ницкъаллийн структурашкарчу хьосташна тIе а тевжаш хаамбарца, карарчу заманчохь карийначу чалхан экспертиза ю дIахьош. Хи бухахь еххачу хенахь лаьттина дакъа довза ишта атта дац, дийцарехь. Болчу хаамашца, Омарова Калимат йовчу дийнахь цунна тIехь хиллачу духарх тера ю тIоьрмиг чохь карийна бедарш. Читать дальше...

Росстатан зерашца, уггар лакхара алапаш оьцу Оьрсийчоьнан Къилбаседанехь бехачара а, Москохан бахархоша а. Оьрсийчохь юккъарчу барамашкахь лерича 42 555 эзар сом оьцу, Ямало-Ненецкан округехь 100 617 эзар сом. Чукоткехь 98 291 сом кхочу белхахошна. Москохарчу бахархоша 82 729 сом, Магаданехь 82 471 сом. Лахара белхан алапаш оьцуш хиларца, билгалъяьлла Ивановскан кIошт а, Нохчийчоь а, Алтайн кIошт а, Кхарачойн-Чергазийчоь а. Юккъерчу барамехь 24, 4 эзар сом ду цигахь белхан алапа.

Иркутскерчу лоьмар 3 йолчу колонехь политик Немцов Борис верна хан токху Дадаев Заур Ангарскан 2-чу набахте дехьаваьккхина, цо низамаш дохорна. Иркутскан таIзарш кхочушдаран системан федералан урхаллан (ФСИН)пресс-гIуллакххоша бина и хаам.Тутмакха керлачу колонехь шо гергга хан йоккхур ю аьлла, дIахьедина цара. 2015-чу шеран Чиллан-баттахь Москохарчу Москворецкан тIайтIехь тапча тоьхна вийра Немцов. Зуламна бехкебира Нохчийчуьра Бахаев Хьамзат а, Дадаев Заур а, Эскерханов Темирлан а, ишта вежарий ГубашевгIар Анзор а, Шадид а. Читать дальше...