Новости за 29.04.2019

Тумсо долара воккху, тутмакхйин тхьамда арахоьцу

Ичкерин дозанал а арахьарчу Iедалан куьйгалхо Закаев Ахьмад гIалгIайн къомана тIехIоьттина, де хьалха Лондонехь дIаяьхьначу митингехь. ГIалгIайчуьра Лондонехь бехачу бахархоша тидаме эцар дехна Магасехь протестхошна дуьхьал йолийначу репрессийн. Ишта тIедожийна, лецна латтош болу митингехь лидерш хилларш маьршабахар а. Цу маьIнехь митингаш дIаяьхьира Санкт-Петербургехь а, Финляндехь а, Бельгехь а, Германехь а, Швецехь а, Францехь а. Маршо Радионо яздира, Зазадоккху-беттан 26-27-чу а деношкахь... Читать дальше...

Iедалан белхахочунна дуьхьал ницкъ баьккхина аьлла, бехкевинчу Дагестанерчу 44 шо долчу вахархочун гIуллакх таллар дерзийна. "Черновик" хьостано дийцарехь, мел лаххара а, шозза некха тIе буй тоьхна оцу бехкевечо полисхочунна. Талламан версица, полисхойн декъе валийнера иза жимма юхахьара лелла аьлла, административан протокл хIотто Iалашонца. "Резавоцчу цо маьттаза къамелаш дора полицин белхахошца, хIусамчуьра йийбар талхо гIертара. Дуьхьало ма е аьлча, ла дугIуш вацара. Эххар а цхьана полисхочун... Читать дальше...

Байначу беттан 27-чохь "Шашлык-машлык" олу туризман гайтам хилла Соьлж-ГIалахь. 7 эзар стаг вахана бараме, Нохчийчоьнан туризман министралло бахарехь. Къоман кхача а баош, пхьераша куьйга йина хIуманаш а гойтуш, нохчийн эшарш, хелхарш довзийтина махка баьхкинчу туристашна. Бакъду, массо а ца хилла барамна реза – шашлыкан хьожано корта хьийзабора, амма юуург мах боккхура!

Нохчийчоьнца дозанаш билгалдахарна дуьхьал хилар дIакхайкхош Магасехь митинг хIоттаяйтар доьхуш, кехат чулур ду ГIалгIайчуьрчу 88 тайпанийн векалша. "МБХ медиа" хьостане дийцина цунах тайпанийн Кхеташонехь. "КIира хьалха БековгIарна дуьхьало йина. Кхи а 88 тайпан нах бу дехар деш кехат чукхачор долуш", - аьллачу тайпанийн Кхеташонан векалийн дешнаш далийна зорбан гIирсо. 93 тайпан векалш бу оцу Кхеташона юкъахь. ХIора денна, цхьаццан цIарх  митинг дIаяхьа пурба доьхуш, кехат дIакхачадо Iедалхошка аьлла организацехь. Читать дальше...

Iамеркан Цхьаьнатоьхначу Штатийн Пачхьалкхан департаменто санкцийн тептара стенна ваьккхина Хучиев Муслим? Адамийн бакъонаш йохорна, санкцеш кхайкхийна Цхьанатоьхначу Штатийн арахьарчу гIуллакхийн хьукмато Нохчийчоьнан министрийн кабинетан куьйгалхочунна Хучиев Муслимна дуьхьал. Цунна а, цуьнан зудчунна Шабазова Сепиятна а доьхку Iамеркан Штаташка даха-дахка. "Хучиев Муслима наханна гIелойина хиларх дуьззина тоьшалла ду Пачхьалкхан департаментехь", боху департаменто даржийначу дIахьедарехь. Оьрсийчоьнна иза а... Читать дальше...

Нохчийчуьрчу Динан урхалло чIагIдо: мехкан куьйгалхочо Кадыров Рамзана ша цхьамма ахча а луш, меттIахIоттош ду Шемара маьждиг. Ткъа факташа гойтург кхи ду.

Юьхь къовлуш бедар лелор доьхкуш низам юкъадаьккхина Шри-Ланкехь. Бахархойн идентификаци ян а, цхьа могIа теракташ динчул тIаьхьа зуламхой леца ка ялийта Iалашонца цу кепарчу омрана куьйгъяздина пачхьалкхан президенто Сирисен Майтрипала. The Times of India хьостано бина и хаам. Президенто билгалдаьккхина, чолхечу хьолан ражан низамийн гурашкахь беш барам бу иза аьлла. Кху беттан 21-чохь 8 эккхийтар дира Шри-Ланкехь, ишта керстан динан килсашкахь а, езачу отелашкахь а. 250 гергга ву цу зуламехь велларг. Читать дальше...

Стохка Магасехь митингехь дакъалаьцна аьлла, БуьритIерчу аэропортехь лаьцначу гIалгIайн рогIерчу жигархочунна Хучиев Давудна 20 эзар сом гIуда тоьхна. "Медиазонас" бина и хаам, лаьцначун вешин Хучиев Микаилан хаамна тIе а тевжина. Вашас дийцарехь, дахначу шоьтадийнахь Москва воьдучу хенахь БуьритIерчу аэропортехь сацийна хилла Давуд. Наьсарерчу полисхойн декъе а валийна, административан протокол хIоттийна хиллера цуьнан хьокъехь. Iедалшца бертаза хIоттийначу митингехь дакъалацар ду цунна бехкедуьллург. Читать дальше...

Бакъонашларъяран а, гIоьналлин а "Вайфонд" ассоциаци йиллинчех йолчу Садулаева Аминас дIахьедина, оьрсийн къайлахчу сервисаша Нохчийчохь а, дозанел арахьа а бехачу шен гергарчу нахана кхерамаш туьйсу аьлла. Цо бахарехь, къайлахчу сервисийн белхахой баьхкина хилла кхуьнан гергарчаьрга, кхуьнан паспорт тIера хаамаш а, Швецехь иза еха адрес а хоьттуш. "Кавказ.Реалии" портале бина и хаам Садулаевас ша. "Со Оьрсийчоьне схьаялийта гIерташ ду шаьш аьлла цара. Сан бакъйолу цIе а, фамили а (ас керла лело... Читать дальше...

Нохчийчуьрчу Шалажехь лаьтте верзийна Зазадокху-беттан 28-чохь Лондонехь вийна 24 шо долу Висаитов Закир. Дахначу кIирананх Великобританера даймахка кхачийнера цуьнан дакъа. "Кавказ.Реалиин" хьосташа дийцарехь, къона музыкант вийна хьалхе дуьйна барт а бина. 4-зза урс тоьхна хиллера цунна, цхьаъ дагах а кхеташ. Зуламхой лоьцучу операцехь пайдаэцнера полисхойн вертолеташа а. 20 гергга стаг лаьцнера оцу зуламна шеконашца. Царех дукхаберш тIаьхьа дIахийцира. Бехк хьарчийра 21 шо долчу Хьуссейн Камалах а, 18 шо долчу Ахьмад Йосифах а. Читать дальше...

Кху шеран ГIадужу-баттахь набахтера араволу тутмкакхийн тхьамда лоруш волу Домбаев Ахьмад ("шелахо Ахьмад") аьлла, хаамбо "Росбалт" хьостано. Челябинскан кIоштан Копейск гIалин кхело сацам тIеэцна тутмаккхийн авторитет Домбаев Ахьмад маьршаваьккхинчул тIаьхьа административан терго йийр йолуш цунна тIехь 8 шарахь. Оцу бахьанца кху шеран гурахь "криминалан инарла" аравоккхуш ву колонера. Домбаевс хан токхучу набахтин векалша дIахьедарца, колонехь хIиттийна долу низамаш талхадо цо, цундела цаторийла ю... Читать дальше...

Муртазалиева Зараъ   Итт шо кхаьчна Европехь вайнехан студентийн Wey-Du юкъаралла кхоьллина Йохк-эцарарца а, политикаца а йоьзна йоцчу нохчийн а, гIалгIайн а студентийн Waynah European Youth Development Union - Wey-Du -юкъаралло болхбо 2009-чу шарара схьа. Цунна "Одноклассники" машанехула бух биллинарш бара вовшашца зIе лоьху Бельгера кегийрхой. Итт шерачохь юкъарлоно шен декъа а оьзна, цуьнан цIарах къахьоьгуш бу Европерчу дуккха а мехкашкара вайнехан студенташ. Шайн низам а, шайн белхахой а бу Wey-Du боламан. Читать дальше...

Нохчийн Iедалша информацин кампани дуьхьалъяьккхинчу блогеран Абдурахманов Тумсон гергарчара пIераскандийнахь Ищерскерчу маьждигехь рузбанна гулбеллачохь шайн долара ваьккхина иза. Ишта цара дIахьедина, нагахь иза цхьаммо вийна меттиг хилахь, шаьш чIир а хьейийр яц аьлла. "Тхоьга бертаза дайтина хIара дIахьедар бохур ду цо кхана-лама, амма тхо тхайн лаамехь лелаш ду", - аьлла динчу дIахьедарехь. Телеграм-каналерчу шен агIон тIехь Абдурахмановс зорбане яьккхина оршотдийнахь, гергарчара шайх ша дIахадош яьккхина видео. Читать дальше...

ГIалгIайчоьнан ДаьттагIарчу вахархочо Пидиев Мохьмада хаамбина Нохчийчоьнца долчу дозанехь дахначу кIирандийнахь меттигера ши вахархо дIа а лаьцна, Нохчийчу дIавигна аьлла. Карладоккху, стохка Лахьан-беттан 12-чохь ГIалгIайчоьнан Iедалша дIахьедира 2015-чу шарахь дIатесна ДаьттагIа юхаденйийр ю шаьш аьлла. СагIопшера Коригов ИбрахIим а, Белхароев Мохьмад а дIалецира кIирандийнахь ДаьттагIна герггахь "Бамут-ЦIеча Ах - Ялхоро некъ буьллучохь ха дечу ницкъаллийн белхахоша", - хаамбина Пидиев Мохьмада. Читать дальше...