Новости за 30.04.2019

ГIалгIайчоьнан депутатан Мамилов Закрин кIентан Москвана герггахь йолчу Дмитров гIаларчу хIусамах хьоьвсина оршотдийнахь. Москвахь волчу Мамиловс бакъдина "Кавказ.Реалии" портална, шен кIентан цIийнах хьовсар а. Ишта цо дIахьедина, шен воI дIавигина хилар а. Лацаран бахьанаш къастанза ду, цо схьадийцарехь. "Фортанга.орг" хьостано дийцарехь, ГIалгIайчохь тIаьххьарчу беттанашкахь хуьлучух шен чIагIо йоллу позици а йолуш, ша мехкан куьйгалхочунна реза цахилар диллина дIахоуьйтучу депутатех ву Мамилов. Читать дальше...

ГIалгIайчохь дехачу тайпанийн Кхеташонан куьйгалхо Ужахов Малсаг изоляторчуьра ара а ваьккхина, цIера валар а дихкина вита дуьхьало йина ГIебарта-Балкхаройчоьнан Лакхарчу кхело. Дахначу кIиранах ГIалгIайчуьрчу къаночуьнца Барахоев Ахьмадца Нальчикера БуритIе дIахьажийра иза."Кавказский узел" агенталло бина и хаам. Маршо Радионо ма-яздарра, кху беттан 19-чохь Наьсаран кIоштахь дIалецира ГIалгIайчуьрчу тайпанийн Кхеташонан куьйгалхо Ужахов Малсаг. "Медиазоне" лаьцначун кIанта Ужахов Руслана дийцинера... Читать дальше...

Оьрсийчоьнан юкъарчу терахьашца дуьстича, кхузза дукха нах ле Нохчийчуьрчу некъахьовзамашкахь Машенца дIасавоьдуш Нохчийчохь лазийначу 100 стагах леш ву, статистико чIагIдарехь, 22. Ишта довзийтина хьал деношкахь Оьрсийчоьнан президентан Къилбаседа Кавказерчу векалан гIовсо Попков Валерийс. "ГIебарта-Балкхаройчохь лахаро ду и терахь – 18 стаг бIенна юкъахь, амма уьш а ма дуй сов дукха баларш. ГIалгайчохь – 14. Дагестанехь – 12", - билгалдаьккхина Путинан векалан гIовсо. Ерриг а Оьрсийчохь... Читать дальше...

2017-чу шеран Зазадоккху-бетан 26-чохь Оьрсийчохь дIаяьхьначу "Он вам не Димон" протестан акцица доьзна Европан адамийн бакъонашкахула йолчу кхело (ЕСПЧ) дуьххьара сацамбина компенсаци кхачош. Навальный Алексейн Казанерчу штабан координаторо Дмитриева Эльвирас чуделла арз теллинчул тIаьхьа сацамбина ЕСПЧ-но. Iедалшца дага а ца йолуш митинге нах кхийкхарна бехке а йина, гIуда а тоьхна, маьхза пачхьалкхна белхаш бар тIедожийнера цунна. Европан кхелан хьесапашца, Дмитриева Эльвирин гIуллакхехь Оьрсийчоьно... Читать дальше...

Нохчийн лаьмнашкарчу Шуьйтахь еха почталелорхо Мадина. I5 шо хьалха къаьстира иза майрачух – шена цо еттара, дуьйцу зудчо. Майрачо, бекхамбеш, дихкира цунна шайн кIант ган. ХIинца хуьлу иза гойла. Дийнахь почта кхоьхьу, буса Соьлж-ГIалахь бургерш йо Мадинас. Бедарш гойту модель хила лаам баьхна цуьнца даима а, ца яьлла шен лаамах мукъа хIинца а.

33 шо долу стаг лаьцна полицино Крайстчерчехь шинаридийнахь. Иза бехкево куьйга йина оьккхуьйтург Iалашйина цо аьлла. Байначу баттахь дуккха а нах а бойуш, маьждигна тIелатар динчу гIалин даьссачу цIа чохь дIайиллина латтош хилла оьккхуьйтург а, цуьнан гIирс а. Бахархойн кхерамзаллин дуьхьа йоллу кIошт гоне ерзийна, гергахь бехачарна эвакуаци а йина, схьабаьккхира полисхоша зуламхочо хьулбина тIеман гIирс. Бехкехетарг дIалаьцна, полицин хаамашца, талламчашна гIуллакх луьстуш гIо а лаьцна цо.... Читать дальше...

"Кавказский узел" агенталлан корреспондент Гериев Жалавди маьршаваьккхина шинаридийнахь, шена тоьхна кхо шо текхначул тIаьхьа. Iуьйранна 9 сахьт 6 минот яьллачу хенахь Чернокозоверчу колонин кевнех машен араяьлла, Гериев чохь волу. Цунна дуьхьалбаьхкинера доттагIий, гергарнаш, яздо "Кавказский узел" агенталло. "Суна суо ирсе хета", - аьлла жимчу стага. Маршо Радионо яздира шен агIонаш тIехь, 2016-чу шеран Гезгамашин-баттахь журналистна Гериев Жалавдина марихуана лелийна цо аьлла, бехкевина, кхело 3 шо хан тохарх. Читать дальше...

Садовская Алена Хьалхачул кхузза дукха набахтийн белхахой ийзабо Оьрсийчохь бехктакхаме. Бахьана – тутмакъашца тIех къиза хилар. …Амма яц Кавказера набахтеш сов шога, ститисташа бахарехь. 2018-чу шарахь, цул хьалхарчу шераца дуьстича, тутмакхаш хьийзорна кхузза дукха бехктакхаман гIуллакхаш айдина Федералан таIзар такхийтаран системерчу (ФСИН) белхахошна дуьхьал. Ишта хаам баржийна шен кхеташо йирзича Оьрсийчоьнан Инарла Прокуратуро Охан-беттан 23-чу дийнахь. ТIаьххьарчу кхаа шерачохь набахтешкара... Читать дальше...

Массо а мехкашкахь йихкина йолчу ДАIИШ тобан лидер кху пхеа шерачохь духхьара ваьлла социалан машанашка. Хууш дац, стенгахь, маца яьккхина Ал-БагIдади Абу-Бакра къамелден видео.

Нохчийчуьра бахархой бертаза митингашка боху аьлла, хаамийн гIирсашкахь а, бакъонашларъярхошлахь а яьржина информаци бакъ ца йина республикерчу профессионалийн юкъараллийн куьйгалхочо Солтагереев Хьусайна. Къинхьегаман денна кечамбарх дIахьочу пресс-конференцехь цо ишта аьла: "Со кхета, 1-5 стаг нуьцкъаша араваккха тарло, ткъа муха хьажор ву иттанашкахь эзар стаг?! Цу кепара барамаш оха тхайн лаамехь юкъахь дIахьош бу Iедалхошца. Полисхоша ха латтадо, медицинан белхахоша а, орцанхоша а оьшу гIо кхачадо. Читать дальше...

ГIаттамхошлахь лелла ву аьлла, Оьрсийчоьно бехкевина, Германино экстрадици йинчу Нальчикерчу вахархочунна Калмыков Муратна дуьхьалдаьккхина гIуллакх листар дерзийна талламхоша. Церан информацица, 2014-чу шарахь Шемарчу тIамехь дакъалаьцна ву Калмыков. Цул тIаьхьа, Туркменистанан вахархо ву ша аьлла, Германи сехьа а ваьлла, Оьрсийчоьнан кхелах лечкъина хилла иза. "2015-чу шеран ГIуран-баттахь Украинехула а, Полшехула а кхаьчна Калмыков Германи", - тIечIагIдина Оьрсийчоьнан Талламан комитетехь "Кавказ.Реалиин"... Читать дальше...

"Исламан пачхьалкх" шех олучу тобанхойн лидер ву бохучу Абу-Бакар Ал- БагIдадис дIахьедина, шен тIемалой байарна а, набахтешка бохкарна а ша бекхам бийр бу аьлла. Ал-БагIдадих тера волчу стага видео тIехь дина цу кепара дIахьедар аьлла, Iорадаьккхина радикалашца йоьзначу Al-Furqan Media ресурсо аьлла, хаамбина  Reuters агенталло. Шемара даIишхойн тIаьххьара хилла Багхуз чIагIо дIаяккхарна дуьхьал бекхам бара аьлла цо Шри-Ланкехь 250 стаг а вуьйш, дина лелхийтарш. Маца дIаязъйина ю видео хууш дац. Читать дальше...

ГIалгIайчохь тIетаьIIина жигархой лецаро кхи тIе а талхош ду, ишта а чолхе лаьтта хьал, лецначарна дIасабовлар а дихкина, изоляторшкара арабовлийта беза аьлла, дIахьедина "Мемориалан" а, "Гражданское содействие" комитетан а, Москварчу Хельсинкан группан бакъонашларъярхоша а. Маршо Радионо ма-яздарра, байначу беттан 26-27-чу а деношкахь Магасехь митингехь хилла жигархой лоьцуш бу хIара бутт карабеачхьана. Цхьана декъана гIуданаш диттира, ах Нальчике дIа а буьгуш, царна дуьхьал бехкзуламан гIуллакхаш долийна... Читать дальше...

Зазадокху-баттахь протестийн митингехь дакъалацарна полисхоша дIалаьцна Нальгиев Мохьмад. Зорбанаша хааме даккхарца, кху баттан 2-чохь дуьйна лоьцуш бу республикехь жигархой. Хьалхарчу исс дийнахь дIавигира 40 вахархо. Байначу беттан 26-чу дийнахь Магасехь митинг хIоттийра, ГIалгIайчоьнан куьйгалхочуьнна дарж охьадиллар тIе а дожош. ШолгIачу дийнахь протестхой дIасалахка болийча тасадаларш хилира гулбеллачийн полисхошца.Талламан комитетан информацица, 10 ницкъахочунна чевнаш хиллера. Юристан Беков Мохьмадан хаамна тIе а тевжина... Читать дальше...