Новости за 30.03.2021

Нохчийчоьнан куьйгалхочун маьхчин воI Кадыров Хас-Мохьмад Пачхьалкхан Думе депутат ваха лерина ву. И хаам баржийначу "Открытые медиа" портало бахарехь, "Цхьааллин Оьрсийчоь" тобан декъахь Думе боьлхурш къасточу партин праймеризехь дакъалаца лаам болуш, кехаташ чуделла цо. Хас-Мохьмадан 30 шо ду. Чиллан-баттахь ханна Соьлжа-ГIалин мэран дарже хIоттийна иза. Кадыров Рамзанан рогIера цIийнан стаг даржашкахь кхиа волавелира шен 27 шо долуш, 2017-чу шарахь мехкан коьрта шахьарахь полицин куьйгалле хIоттарца. Читать дальше...

Красноярск-махкарчу Дудинки юьртарчу вахархочо Росгварди а, Нохчийчуьра лерина ницкъаш а парашюташца кеман тIера чукхийсабала Iемаш яьккхина видео яржийра, царех "Путинан йовсарш" а олуш. Ткъа Зазадоккху-беттан 29-чохь ша иза дина дохковаьлла хилар хаийтина цо, яздо "Сибирь. МБХ медиа" ресурсехь. Шен цIе Михановский Иван ю боху оцу стага. Интернете яьккхинчу видеоца юхагойтуш ю цо юьхьанца яржийна хиллачу видеон кийсак а, оцу чохь ду кадрна тIехьа цо аьлларг: "Путинан йовсарш, кIезий, боьха хIуманаш". Читать дальше...

Путинан харжамийн штабийн коьртехь Iийначо къайлаяьккхина шена хилла 19 миллиард са; Калининградехь гIуда тоьхна эскархошна-дагестанхошна. Деза лоручу хи чохь мачаш йиларна; хIирийн ломахь бахархоша, 5G – обеъкт ю моьттуш, ягийна зIенан бIов

Дагестанера орамаш долчу шен дех-ненах дIа а къаьстина, шен лаамехь яха лууш ю 22 шо долу Тюменера яхархо Магомедова Милана. Ткъа полици дега а, ненехьа а ю. Юьхьанца дуьйна а лууш яцара йоI хилларг нахала даккха, амма цунах гIуллакх ца хилира. Тюменехь ехаш яра Милана деца Мусаца а, ненаца Гюлиссерца а, жимахдолчу йишица а, вешица а. Да гIишлошъяран бизнесехь ву цуьнан, нана хьехархо ю, яздо Свобода Радионо. Миланас ша дийцарехь, шогачу кавказхойн Iадаташца хьалакхиина ю иза: цунна ца магадора болх бан а... Читать дальше...

Къилбаседа ХIирийчуьрчу Алагиран кIоштарчу Мизур юьртахь бевзаш боцчу наха оршотдийнахь ягийна дехьа-сехьайоккхуш, дIаслелош хилла зIенан обеъкт. Оцу хьокъехь хаам баржийна республикерчу информацин технологийн, зIенан урхаллин куьйгалхочо Салбиев Аслана. "Акхаллин рогIера гIулч. ЛартIахь боцчара махкахь технологеш ца кхиийта лууш дина тIелатар ду иза. Цхьа а 5G а яц, зIенан операторийн гIирс бу багийнарг. Хьал тергамера дала герга ду", – яздина фейсбукехь зIенан хьаькамо. ЗIенан бIаьвнех летарш "дешна боцу... Читать дальше...

Москвахь, цхьа стаг а вуьйш, масех лаза а веш, иккхинчу девнан декъахь хила тарлуш бу дагестанхой, хаам бо Baza телеграм-канало. Юьззина билгало йоцчу информацица, дов даьлла Зазадоккху-беттан 27-чохь шахьаран йистехь,"Фуд Сити" базар йолчу меттехь. Леташ дакъалаьцначех цхьаъ шена хиллачу уьрсан чевнех дIаваьлла такси чохь. Оццу буса некъа юккъехь Iуьллуш карийна шолгIа стаг, цунна масех уьрсан а, герзан а чов йина, халачу хьолехь кхачийна дарбан хIусаме. Лоьрашна тIекхачийначаралахь бу гай датIийна стаг а... Читать дальше...

Калиниградерчу Iиса Пайхамаран килсанна уллехь, дезачу хин хьоста чохь, мачаш йилинчу Балтин хIордакеманийн декъан эскархошна таIзар кхайкхийна меттигерчу тIеман гонан кхело. Дагестанера волу Сайханов Расул а, Магомедов Джамалуддин а ву дин лелочарна халахетар дарна жоьпе озийнарг, яздо "Коммерсанто". Бехканна къерахиллачу Сайхановна тоьхна 100 эзар сом гIуда, ткъа къарвала ца хIоьттинчу Магомедовна – 200 эзар. ШолгIачо ша "мачаш ченах цIанъеш бен вацара", шена ца гира хьостанна тIехула кхозу икона, аьлла. Читать дальше...

Нохчийн диаспорина тIе куьйгаш кхехьар шаьш ловр дац, бохура Францехь протестан гуламашка бевллачу нохчаша. Цуьнан бахьана дара Бретень регионан Ренн шахьарахь Зазадоккху-беттан 17-чохь 23 шо долу Лабазанов Хьамзат вер. Реннехь протетан гуламе араваьлларг вара 400 гергга стаг, Страсбургехь – 150 гергга, боху Францерчу хаамийн гIирсаша. Протестан коьрта бахьана дара, Лабазанов вер хьахош, полицино и зулам "наркотикаш юхкучийн" къийсамашца доьзна ду алар. "Тхуна шозза тухуш ю: цкъа – стаг вуьйш, юха – тхуна тIе ирча цIе хьарчош. Читать дальше...

Путин президент хоржуш, 2004-чу а, 2012-чу а шерашкахь цуьнан штабийн куьйгалхо лаьттинчу Петербургерчу ломан университетан ректора Литвиненко Владимира шен декларацешкахь къайладаьхьина ша даьккхина 19 миллиард сом, хаам бо "МБХ медиа" ресурсо. Оцу хьостано бахарехь, Литвиненкос къайлаяьхьина лаххара а 2014-чу шарахь шена "Фосагро" холдинган акцех евлла дивидендаш. Ялх шера чохь Литвиненкон компанера дакъа хьалакхиина 6%, кхаьчна 21 проценте. Акцех евлла дивидендаш ю 20 миллиарде ца кхоччуш... Читать дальше...

Краснодар-мехкан прокуратуро кхеле делла меттигерчу "тутмакхийн элин" Краснодарерчу Кобин дов. Урхалло шен сайтехь бахарехь, цуьнан "зуламийн зона" хилла Кубан йоцуш, Ростов-мохк а, Адыгей а. "Талламан версица, 2012-чу шеран Дечкен-беттан 1-чу дийнера Стигалкъкъа-беттан 8 –гIа де тIекхаччалц иза Грецин Республикехь Iийна, цигахь цо дакъалаьцна зуламхойн лаккхарчу могIаршка "тутмакхийн эла" хоржучу барамехь, цунах вина зуламхойн гIеранийн хьалханча", - боху прокуратуро. Бехкевийриг ву Гуьржийчуьра схьаваьлла Дзидзишвили Коба. Читать дальше...