Գերմանիայի խորհրդարանական ընտրություններում հաղթում է Մերկելի դաշինքը. exit polls
Կանցլեր Անգելա Մերկելի գլխավորած Քրիստոնեա-դեմոկրատական դաշինքն առաջ է անցնում Գերմանիայի խորհրդարանական ընտրություններում, ինչը նշանակում է, որ Մերկելը 4-րդ անգամ կղեկավարի երկրի կառավարությունը:
Ինչպես փոխանցում է BBC-ն, ընտրությունների ավարտին անցկացված հարցումների արդյունքներով` Քրիստոնեա-դեմոկրատական դաշինքը ստանում է ձայների 33.3 տոկոսը, Սոցիալ-դեմոկրատական կուսակցությունը՝ 20.8, «Այլընտրանք Գերմանիայի համար»-ը՝ 13.2, Ազատ դեմոկրատական կուսակցությունը՝ 10.1, «Կանաչները»՝ 9.2, «Ձախականները»՝ 8.9 տոկոսը:
Հիշեցնենք, որ խորհրդարանական ընտրությունները մեկնարկել են այսօր առավոտյան:
Արդյունքների հրապարակումից հետո նոր կոալիցիոն կառավարություն պետք է ձևավորվի, որը կարող է բավականին երկար տևել, քանի որ Մերկելի հաղթանակի դեպքում մյուս քաղաքական ուժերը պետք է որոշեն՝ ցանկանո՞ւմ են արդյոք դաշինք կազմել նրա հետ, թե ոչ: