Ֆիլիպինների կղզիներից մեկում առեղծվածային կենդանու դի է հայտնաբերվել (լուսանկարներ, տեսանյութ)
Ֆիլիպինների կղզիներից մեկում՝ Մաասին քաղաքի լողափում, առեղծվածային կենդանու մարմին է հայտնաբերվել: Այս մասին հայտնում է The Daily Mail-ը:
Աղբյուրի հաղորդմամբ՝ մոտ 10 մետր երկարություն ունեցող կենդանուց այնպիսի գարշահոտություն է եկել, որ նրան ստիպված են եղել հետ շպրտել ծով:
Ֆիլիպինների Ձկնորսության և ջրային ռեսուրսների բյուրոյի աշխատակից Ջուլիուս Ալպինոյի խոսքով՝ դիակը չի հաջողվել նույնականացնել, քանի որ այն արդեն քայքայվել է:
«Այնուամենայնիվ, կարելի է ենթադրել, որ սա կետ էր», - ասել է նա: