Խոսեպ Գվարդիոլա. Երբեք չեմ ների Գարի Լինեկերին
Անգլիական «Մանչեսթեր Սիթիի» գլխավոր մարզիչ Խոսեպ Գվարդիոլան BBC 2 հեռուստաալիքով ընթացող «Պրեմիեր լիգայի շոու» հաղորդման ժամանակ, որի հաղորդավարն է Անգլիայի հավաքականի նախկին հարձակվող Գարի Լինեկերը, կատակով հրաժարվել է պատասխանել բրիտանացու հարցերին:
«Երբ դուք խաղում էիք «Բարսելոնայում», իսկ ես ակադեմիայի մյուս սաների հետ ձեզ գնդակներ էի մատուցում, դուք անտեսում էիք խաղաշապիկն ինձ նվիրելու խնդրանքներս:
Այդ ժամանակ որոշեցի, որ երբեք չեմ ների Գարի Լինեկերին և այլևս չեմ խնդրի նրա խաղաշապիկը»,- ասել է իսպանացի մասնագետը:
Հիշեցնենք, որ Լինեկերը «Բարսելոնայում» է խաղացել 1986-ից 1989 թվականներին: