Էրդողանը դեռևս ներողություն չի խնդրել մայիսի 16-ի ծեծկռտուքի համար. ԱՄՆ պետքարտուղար
Անդրադառնալով թուրք նախագահի թիկնազորի անդամների՝ մայիսի 16-ին Վաշինգտոնում իրականացրած ծեծկռտուքի շուրջ ստեղծված քննարկումներին՝ ԱՄՆ պետքարտուղար Ռեքս Թիլերսոնը հայտարարել է, որ Էրդողանը դեռևս ներողություն չի խնդրել:
Ինչպես հաղորդում է The Armenian Weekly-ն, պետքարտուղարը նշել է, որ ԱՄՆ կառավարությունը դեռ պետք է խնդրի Անկարային թուրք թիկնապահներին զրկել դիվանագիտական անձեռնմխելիությունից:
Նրա խոսքով՝ Պետքարտուղարությունն այս հարցով աշխատում է Արդարադատության նախարարության հետ և կդիտարկի ցանկացած հնարավոր քայլ այս գործի շրջանակներում:
ԱՄՆ-ն 19 մարդու, այդ թվում Էրդողանի թիկնազորի 16 անդամի մեղադրանք էր ներկայացրել Վաշինգտոնում Թուրքիայի դեսպանության առաջ իրականացված վայրագության համար, երբ վերջիններս հարձակվել և դաժան ծեծի էին ենթարկել խաղաղ ցույց իրականացնող հայերին և քրդերին: