One Direction խմբի երկրպագուհին այնքան է երգել ու գոռացել համերգի ժամանակ, որ թոքերի վնասվածք է ստացել
One Direction անգլո-իռլանդական խմբի 16-ամյա երկրպագուհու թոքերը վնասվել են, երբ համերգի ժամանակ լիաթոք երգել ու գոռացել է, նրան տեղափոխել են հիվանդանոց։
Ինչպես հայտնում է РИА Новости-ն, աղջիկը բժշկի է դիմել հևոց ունենալու գանգատով: Նա ոչ մի ցավ կամ հազ չի ունեցել, սակայն պարանոցի և կրծքավանդակի հատվածում ճնշում գործադրելիս ճեղքի ձայն էր գալիս, ասես մաշկի տակ պղպջակներ լինեին:
Ռենտգեն հետազոտությունը ցույց է տվել, որ աղջկա կոկորդի և կրծքավանդակի խոռոչի միջև օդ է հավաքվել, ինչի հետևանքով թոքերի աշխատանքը բարդացել է:
Ուսումնասիրություններից հետո բժիշկները եկել են եզրակացության, որ թոքերում ինչ-որ տեղ ճաք կա, ինչը կարող է ակտիվ սպորտաձևով զբաղվելու կամ ավտովթարի հետևանք լինել: Սակայն դրանցից ոչ մեկն էլ չէր այդ պարագայում:
Ամեն ինչ ավելի պարզ է դարձել, երբ բժիկները տեղեկացել են, որ օրեր առաջ աղջիկը համերգի է այցելել: Այժմ նրա կյանքին ոչինչ չի սպառնում: