Tesla ընկերությունը հարյուրավոր աշխատակիցների է ազատել մեկ շաբաթում
Շքեղ դասի էլեկտրամեքենաներ արտադրող ամերիկյան Tesla Inc ընկերությունը շուրջ 400 աշխատակցի է հեռացրել այս շաբաթ, որոնց թվում՝ թիմերի ղեկավարներ և վերահսկիչներ: The Independent-ի փոխանցմամբ՝ այս մասին հայտնել է նախկին աշխատակիցներից մեկը:
Ընկերությունից մեկնաբանել են, որ հեռացումները պայմանավորված են տարեկան արդյունքների վերլուծությամբ, սակայն չեն հաստատել ազատված աշխատակիցների թվաքանակը:
Թեև ընկերության մեկանաբանության մեջ ասվում է, որ կրճատումները պայմանավորված են աշխատակիցների պարտականությունների կատարողականության դրսևորմամբ, աղբյուրը նշել է, որ իրեն նախկինում երբեք նկատողություն չի արվել հեռացումից առաջ:
Նշվում է, որ այս տարվա երրորդ եռամսյակում ընկերությունն արդեն 220 Model 3 սեդան է առաքել և ևս 260-ն արտադրել է: