Սիրիայի զինված ընդդիմությունն սկսել է Ռաքքայի ազատագրման վճռական գրոհը
Սիրիայի հյուսիսում սկսվել է Ռաքքայի ազատագրման վճռական գրոհը: Life.ru-ի հաղորդմամբ՝ այս մասին հայտարարել են «Սիրիայի դեմոկրատական ուժեր» քուրդ-արաբական ընդդիմադիր զորամիավորման ջոկատները:
Խաղաղ բնակիչներին տարհանել են ազատագրական պայքարի կենտրոնում hայտնված քաղաքից: Տարհանումն իրականացրել են ԱՄՆ-ի գլխավորած միջազգային ռազմական կոալիցիայի ներկայացուցիչները:
Հաղորդվում է, որ 275 գրոհային հանձնվել է զինվորականներին: Հանձնված գրոհայինները և նրանց ընտանիքների ելքը քաղաքից նույնպես ապահովվել է:
Օրեր առաջ հաղորդվում էր, որ սիրիական Ռաքքայում «Իսլամական պետություն» ահաբեկչական խմբավորման մոտ 400 գրոհային է մնացել: