ԱՄՆ ռազմաօդային ուժերի ինքնաթիռը բազմաժամյա հետախուզություն է անցկացրել ՌԴ սահմանին
Ուրբաթ օրն ԱՄՆ ռազմաօդային ուժերի RC-135W ստրատեգիկ հետախուզական ինքնաթիռն անցկացրել է հերթական երկարատև թռիչքը Լենինգրադի և Պսկովի մարզերի սահմանների մոտ: Այս մասին վկայում են արևմտյան ավիացիոն կայքերի տվյալները, որոնք հետևում են ռազմական ավիացիայի տեղաշարժումներին, հայտնում է Interfax-ը:
Այս կայքերի տվյալների համաձայն՝ ամերիկյան ռազմական ինքնաթիռը, որը թռիչքը սկսել է բրիտանական Միլդենհոլ ավիաբազայից, բազմաժամյա հետախուզական թռիչք է իրականացրել ռուսական սահմանի երկայնքով՝ Էստոնիայի օդային տարածքում տեղաշարժվելով հարավից հյուսիս՝ Տարտու – Ֆիննական ծոց գծով:
Նշվում է, որ Անգլիայում տեղակայված ավիաբազայից թռչելուց հետո ինքնաթիռն անցել է Նիդեռլանդների, Գերմանիայի, Լեհաստանի, Լիտվայի, Լատվիայի և Էստոնիայի վրայով: