Քուրդ աշխարհազորայինները հայտարարել են Դեր Զորի արևելյան շրջանները ԻՊ-ից ազատագրելու մասին
«Սիրիական դեմոկրատական ուժեր» քրդական ընդդիմադիր խմբավորման անդամները հայտարարել են, որ իրենց հաջողվել է Ռուսաստանի և միջազգային հակաահաբեկչական կոալիցիայի աջակցությամբ ԻՊ-ից ազատագրել Դեր Զորի արևելյան արվարձանները:
Ինչպես հաղորդում է INTERFAX.RU-ն, քրդական զորամիավորմանը հաջողվել է ԻՊ-ից ազատագրել Եփրատի արևելյան ափերը:
«Շնորհակալություն ենք հայտնում Ռուսաստանին և ԱՄՆ-ի գլխավորած կոալիցիային, որոնք մեզ օդային աջակցություն են ցուցաբերել, ինչպես նաև խորհրդակցություններ են անցկացրել: Հույս ունենք, որ նրանք կշարունակեն աջակցել մեզ և ամրապնդել հակաօդային պաշտպանությունը», - ասվում է ընդդիմադիր խմբավորման հայտարարության մեջ:
Նշվում է, որ սիրիական այդ շրջանի ազատագրական ռազմարշավին մասնակցել են նաև տեղի ցեղային աշխարհազորայինները: