Նիդերլանդներում կրկին ձերբակալել են Վան Գոգի կտավները գողացողին
Հայտնի գեղանկարիչ Վինսենթ Վան Գոգի կտավներից երկուսը գողացած հոլանդացի Օկկի Դյուրհամը կրկին ձերբակալվել է թանգարանին 344 000 եվրո փոխհատուցումը չվճարելու պատճառով: Այս մասին հայտնում է РИА Новости-ն՝ վկայակոչելով Նիդերլանդների հեռուստառադիոհեռարձակող ընկերությանը:
Նշվում է, որ 2002-ին Դյուրհամը հանցակցի հետ միասին տանիքից ներխուժել է Ամստերդամի Վինսենթ Վան Գոգի թանգարանի շենք, որտեղից գողացել է նկարչի կտավներից երկուսը:
Նրանց ձերբակալել և դատապարտել էին 4.5 և 4 տարվա ազատազրկման, ինչպես նաև պարտավորեցրել էին փոխհատուցում վճարել, սակայն ոստիկանությանը չի հաջողվել է հայտնաբերել գողացված կտավները: Դրանք 2016-ին հայտնաբերվել են Իտալիայում մաֆիայի գործունեության հետաքննության ժամանակ:
Դյուրհամին կրկին ձերբակալել են շաբաթ, երբ լրացել է փոխհատուցումը վճարելու ժամկետը: Այժմ նրան 9 ամսվա կալանավորում է սպասվում: