Ֆրանսիայի կառավարական շենքերում առնետներ են հայտնվել
Ֆրանսիայի արտաքին և ներքին գործերի նախարարությունների շենքում առնետներ են հայտնվել:
Ինչպես հայտնում է Gazeta.ru-ն՝ վկայակոչելով ֆրանսիական հեռուստաալիքը, երկրի ներքին գործերի նախարար Ժակլին Գուրոն և կառավարության պաշտոնական ներկայացուցիչ Քրիստոֆ Կաստաներն ստիպված են իրենց աշխատավայրը կիսել կրծողների հետ:
Երկրի արտաքին գործերի նախարարությունում երկու կատվի են «աշխատանքի վերցրել»՝ առնետների դեմ պայքարի համար: Կենդանիներին անվանել են Նոմի և Նոե: Ինչպես մեկնաբանում է հեռուստաալիքը, դա յուրովի հարգանքի տուրք է Ֆրանսիայի ԱԳ նախարար Ժան-Իվ Լե Դրիանին, որը ծագումով բրետոնցի է, իսկ Նոմինոեն Բրետանի առաջին թագավորի անունն է: