ԱՄՆ-ում նախատեսում են հարստացնել թերթաքարային նավթի արդյունահանումը
ԱՄՆ-ի 7 գլխավոր հանքավայրերում թերթաքարային նավթի արդյունահանումը 2018 թվականի առաջին ամսում կավելանա օրական 94 000 բարելով: Lenta.ru-ի փոխանցմամբ՝ այս մասին վկայում են երկրի էներգետիկայի նախարարության կանխատեսումները:
Ինչպես նշվում է, արդյունահանման ընդհանուր ծավալը կհասնի օրական 6.4 մլն բարելի: Անցած հունվար ամսվա համեմատ աճը կկազմի 1.2 մլն բարել:
Էներգետիկ տեղեկատվության բյուրոյի կանխատեսումների համաձայն՝ ԱՄՆ-ում նավթարդյունաբերության ընդհանուր ցուցանիշը կկազմի 10 մլն բարել օրական: Այս տարի այդ ցուցանիշը կհասնի 9.2 մլն բարելի:
Ինչպես ավելի վաղ հաղորդվում էր, ԱՄՆ-ն նախատեսում է մի քանի ամսում նավթի արդյունահանման ծավալներով գերազանցել Սաուդյան Արաբիային, ինչին կնպաստի ՕՊԵԿ-ի (Նավթ ադյունահանող երկրների կազմակերպություն) կողմից նավթադյունահանման ծավալների կրճատման մասին համաձայնագրի երկարաձգումը: