Էմերին ասել է, թե ինչու Ֆրանսիան պետք է շնորհակալ լինի ՊՍԺ-ին
ՊՍԺ-ի գլխավոր մարզիչ Ունաի Էմերին կարծում է, որ ակումբը պետք է գնի լավագույններին.
«Ֆլորենտինո Պերեսն ասում էր, որ լավագույն ակումբը պետք է գնի լավագույն ֆուտբոլիստներին: Ֆրանսիայի համար շատ դրական է, որ նման հզոր ֆինանսական ուժ կա երկրում: Մարդիկ պետք է շնորհակալ լինեն քաթարական ներդրումներին: Ի շնորհիվ նրանց՝ այստեղ են խաղում աշխարհի լավագույն ֆուտբոլիստները:
Վերջին քայլը Նեյմարի տրանսֆերն էր: Նա աշխարհի երեք լավագույն խաղացողներից է: Հիմա ես հաճելի գլխացավանքի մեջ եմ: Պետք է որոշեմ մարզչական այս խնդիրը, որպեսզի թիմում հավասարակշռություն պահեմ»,- Էմերիի խոսքերը մեջբերում է «Marca»-ն: