Խուան Մարտին դել Պոտրո. Թանկ եմ վճարել կարիերաս շարունակելու համար
Արգենտինացի Խուան Մարտին դել Պոտրոն, ով դաստակի վիրահատության է ենթարկվել 4 անգամ, խոսել է իր կարիերայի մասին:
«Նրանք գիտեն, թե որքան ջանք ու եռանդ եմ ներդրել, որպեսզի մնամ սպորտում: Այդքան վիրահատություններից հետո սպորտում մնալը դժվար էր: Կարծում եմ, որ սա շատ լավ պատմություն է երեխաների համար, որոնք ցանկանում են սովորել: Նրանց համար սա կյանքի դաս կլինի: Թանկ եմ վճարել կարիերաս շարունակելու համար:
Կարծու մեմ, որ վնասվածքներս անցյալում են մնացել: Այլևս չեմ մտածում անցյալում տեղի ունեցած խնդիրների մասին: Մտածում եմ միայն ներկայի և ապագայի մասին: Հուսով եմ` կկարողանամ խուսափել վնասվածքներից և մասնակցել բոլոր մրցաշարերին»,- Դել Պոտրոյի խոսքն է մեջբերում «Tennis World USA»-ն: