Մալայզիայում հայրը երեխայի հետ պարանով ցատկել է կամրջից և հայտնվել սկանդալի կենտրոնում (լուսանկարներ, տեսանյութ)
Համացանցում տեսանյութ ու լուսանկարներ են հրապարակվել, որոնցում երևում է՝ ինչպես է տղամարդը մանկահասակ դստեր հետ պարանով ցատկում, ինչի հետևանքով նա հայտնվել է սկանդալի կենտրոնում։ Միջադեպին անդրադարձել է The Daily Mail-ը։
Կադրերում երևում է՝ ինչպես է իրապատում շոուի մասնակից Մոհդ Ռեդհա Ռոզլանը ցատկում 60 մետրանոց կամրջից, իսկ մոտակայքում գտնվող մարդիկ նկարահանում են տեղի ունեցածը և մեկնաբանում իրավիճակը։
Աղբյուրի հաղորդմամբ՝ իրավապահ մարմինների աշխատակիցները և իրավապաշտպան կազմակերպություններն արդեն տեղեկացել են միջադեպի մասին՝ մեղադրելով Ռոզլանին և նրա կնոջը ծնողական պարտականությունների ոչ պատշաճ կատարման համար։
Երեխաների իրավունքների պաշտպան Գոհ Սիու Լինի խոսքով՝ ինքը երբեք չի տեսել, որ այսքան փոքր երեխային ներս թողնեին նման վտանգավոր ատրակցիոն։
Նշվում է, որ պատասխանատվության կենթարկվեն նաև ատրակցիոնի տերը և աշխատակիցները, որոնք թույլ են տվել տղամարդուն ցատկել երեխայի հետ։
Ռոզլանն իր հերթին ասել է, որ իր դուստրն ինքն է ցանկացել մասնակցել ատրակցիոնին, ընդ որում, նրա ամրագոտիներն ամբողջությամբ կապած էին։