Մեծամորի ատոմակայանի 1982-ի «մութ» վթարը
Հայկական ԱԷԿ-ի առաջին էներգաբլոկը շահագործման հանձնվեց 1976 թվականի դեկտեմբերին, երկրորդը (այժմ գործողը)` 1980-ի հունվարին։ Նախագծման ու շինարարական աշխատանքներում բացառիկ դեր է ունեցել ակադեմիկոս Անդրանիկ Պետրոսյանցը։ Նա պնդեց ու հասավ այն բանին, որ ՀԱԷԿ-ում պետք է տեղադրվի միայն ВВЭР-400 տիպի ռեակտոր, Մոսկվայից առաջարկված РБМК (реактор большой мощности канальный) տիպի ռեակտորի փոխարեն։ Բանն այն է, որ Մոսկվային, ամենայն հավանականությամբ, ավելի շատ հետաքրքրում էր ատոմակայանի հզորությունը, քան անվտանգությունը։ Այդ պնդումը ճակատագրական կարևորություն ունեցավ հայաստանցիների համար: