Վիեննայում արգելվել է Uber տաքսի ծառայության աշխատանքը
Ավստրիայում Վիեննայի առևտրային դատարանը կասեցրել է Uber տաքսի ծառայության աշխատանքը երկրի մայրաքաղաքում:
Ինչպես հայտնում է Reuters գործակալությունը՝ վկայակոչելով Taxi 40100 ընկերության հայցը, դատարանը, մասնավորապես, վճռել է, որ Uber-ի աշխատանքի մեթոդները չեն համապատասխանում վիեննական տաքսիների համար սահմանված կանոններին:
Վերոնշյալ ընկերության փաստաբանի խոսքով՝ դատական արգելքի ցանկացած խախտման համար ամերիկյան տաքսի ծառայությանը մինչև 100 000 եվրո տուգանք է սպառնում:
Uber-ի ներկայացուցիչը խոստացել է փոփոխել կանոններն օրենքներին համապատասխան և նշել է, որ տաքսի ծառայությունը կրկին կաշխատի օրեր անց: