ՉԼ. «Ռեալը» 2:1 հաշվով կամային հաղթանակ է տանում (տեսանյութ)
Չեմպիոնների լիգայի խաղարկության կիսաեզրափակիչ առաջին խաղում Մադրիդի «Ռեալը» «Ալիանց Արենայում» մրցեց «Բավարիայի» հետ:
Հանդիպման հաշիվը բացեցին տանտերերը: 28-րդ րոպեին Կիմիխն աջ եզրից կատարած հարվածով դարձավ գոլի հեղինակ:
Մադրիդյան ակումբն առաջին խաղակեսի վերջնամասում հավասարեցրեց հաշիվը: 44-րդ րոպեին գեղեցիկ գոլի հեղինակ դարձավ Մարսելոն:
Երկրորդ կեսում Զիդանը խաղադաշտ դուրս բերեց Ասենսիոյին, ով դարձավ կարևոր գոլի հեղինակ: 57-րդ րոպեին արագ հակագրոհից հետո իսպանացին հաշիվը դարձրեց 2:1` հաղթանակ պարգևելով իր թիմին:
«Ռեալը» հաղթում է 2:1 հաշվով ու դիմակայությունում լուրջ առավելություն է ստանում: Պատասխան խաղը տեղի կունենա մայիսի 1-ին: