Մուրմանսկում թոշակառու տղամարդը շփոթել է մեքենայի ոտնակներն ու ներխուժել խանութ (լուսակարներ)
Ռուսաստանի Մուրմանսկ քաղաքում տարեց վարորդն իր Hyundai մակնիշի մեքենայով բախվել է նոր շինարարական խանութի մուտքին և կոտրելով դուռը՝ ներխուժել է առևտրի կենտրոն: Այս մասին հայտնում է Gazeta.ru-ն՝ վկայակոչելով միջադեպի ականատեսներին:
«Վարորդը տարեց տղամարդ է: Շատ ցավում եմ նրա համար, մեծ ծախսերի տակ է ընկել: Լավ է, որ ոչ ոք չի տուժել: Բախտը բերել է, որ հենց այդ մուտքը վաղուց չէր աշխատում», - պատմել է միջադեպի պահին խանութում գտնվող բնակչուհիներից մեկը:
Ինչպես ավելի ուշ հաղորդել են ՌԴ ՆԳՆ Մուրմանսկի շրջանի տարածքային վարչությունից, 69-ամյա վարորդն ուղղակի շփոթել է ոտնակները: