ԱՄՆ-ում 143 մլն դոլարի ջեքփոթ շահած տոմս է վաճառվել
ԱՄՆ-ում ամենահայտնի Mega Millions վիճակախաղի շահող տոմսը, որի ջեքփոթը կազմել է 143 մլն դոլար, վաճառվել է Օհայո նահանգում:
Ինչպես հաղորդում է ТАСС գործակալությունը՝ վկայակոչելով ամերիկյան աղբյուրը, տոմսը գնվել է ուրբաթ Դեյթոն քաղաքի մոտակայքում գտնվող խանութից: Դեռևս հայտնի չէ, թե ով է այն գնել:
Վիճակախաղի հաղթողը գումարը կարող է ստանալ 180 օրվա ընթացքում: Եթե նա նախընտրի վերցնել ողջ գումարը միանգամից, ապա շահումը կկազմի 86.4 մլն դոլար՝ առանց հարկերի: Գումարն ամբողջությամբ ստանալ հնարավոր է, եթե հաղթողը համաձայնում է այն ստանալ կանոնավոր վճարների տեսքով 30 տարվա ընթացքում:
Նման տոմս ձեռք բերելու հնարավորությունը կազմում է մոտ 1:300-ի հարաբերակցությամբ: Գործող կանոնների համաձայն՝ խանութի տերերը, որտեղից գնվել է շահող տոմսը, նույնպես պարգևավճար կստանան՝ 14 300 դոլարի չափով: