Զույգը նախաամուսնական ֆոտոսեսիայի մասնակից է դարձրել շանը, որը համացանցի աստղ է դարձել
Նախաամուսնական ֆոտոսեսիան նորապսակների համար ամենահաճելի պահերից մեկն է: Այն սովորաբար անցկացվում է հարսանիքից որոշ ժամանակ առաջ, եւ համատեղ երջանիկ կյանքի պատրաստ հարսին ու փեսային ներկայացնում է տարբեր սցենարներով: Ոմանք դա համարում են հանգստանալու եւ գեղեցիկ լուսանկարներ ստանալու հնարավորություն, սակայն բրազիլացի զույգը գնաց այլ ճանապարհով եւ համացանցում հայտնի դարձավ ուշագրավ լուսանկարներով:
32-ամյա գործարար Ալֆրեդո Գարսիա դա Սիլվան եւ 26-ամյա իրավաբան Ջոյս Սաբինո Գրեֆը որոշեցին նախաամուսնական ֆոտոսեսիայի մասնակից դարձնել նաեւ իրենց շանը՝ 9 ամսական Տորին: Վերջինս իր զվարճալի լուսանկարներով «նվաճեց» ամբողջ համացանցը: Մեկ օրվա ընթացքում նրա լուսանկարները դիտել է ավելի քան 6 մլն. մարդ:
Ալֆրեդոյի եւ Ջոյսի հարսանիքը տեղի կունենա սեպտեմբերին:
Լուսանկարիչ Նիկոլաս Կարրելոն պատմել է իր զգացումների մասին: «Յուրաքանչյուր լուսանկարիչ ցանկանում է իր հաճախորդներին ուղղորդել՝ ինչպես կանգնել կամ որտեղ նայել, սակայն այս դեպքում բոլոր կանոնները սահմանեց Տորը: Շատ զվարճալի էր, մենք ամբողջ ընթացքում ծիծաղում էինք»,-նշել է լուսանկարիչը:
Նա խոստովանել է նաեւ, որ Տորը մեծ ավանդ է ունեցել պրոֆեսիոնալ լուսանկարչի իր կարիերայի մեջ:
The post Զույգը նախաամուսնական ֆոտոսեսիայի մասնակից է դարձրել շանը, որը համացանցի աստղ է դարձել appeared first on ԳԱԼԱ.