Պաշտոնական․ Ինտերը վարձակալեց Ալեքսիս Սանչեսին
Armsport.am-ը գրում է.
«Մանչեսթեր Յունայթեդի» հարձակվող Ալեքսիս Սանչեսը վարձակալական հիմունքներով տեղափոխվել է Միլանի «Ինտեր»։ «Ներաձուրիները» հաստատել են տրանսֆերը։
«Ինտերը» վարձակալել է 30-ամյա չիլիացուն մինչև 2020 թվականի հունիսի 30-ը։ Ավելի վաղ հաղորդվում էր, որ գործարքի արդյունքում իտալական գրանդը կկարողանա վարձակալության ավարտից հետո 15 միլիոն եվրոյով գնել Ալեքսիսին։
Հիշեցնենք, որ Ալեքսիս Սանչեսը 2018 թվականի հունվարին է ՄՅՈւ տեղափոխվել Լոնդոնի «Արսենալից»։ Գործարքի արդյունքում Հենրիխ Մխիթարյանն էլ համալրեց «զինագործների» շարքերը։
Հատկանշական է, որ «կարմիր սատանաների» կազմում Ալեքսիսը ընդամենը 5 գոլ է խփել։