Գիտնականներն առաջին անգամ օձի թունավոր գեղձի արհեստական տարբերակ են աճեցրել
Նիդերլանդացի կենսաբաններն օձերի ցողունային բջիջներից ստացել են սողունների գեղձի արհեստական տարբերակը, որում արտադրվում է թույնը:
Ինչպես գրում է ТАСС-ը՝ վկայակոչելով Cell գիտական ամսագրում հրապարակված հոդվածը, նման գեղձերի ստեղծումը զգալիորեն կարագացնի նոր դեղամիջոցների և հակաթույների ստեղծումը:
«Ամեն տարի օձի խայթոցից ավելի քան 100 000 մարդ է մահանում, որոնց մեծամասնությունը՝ զարգացող երկրներում: Մինչդեռ հակաթույնի արտադրության տեխնոլոգիաները չեն փոխվել 19-րդ դարից ի վեր: Պարզ է, որ նման դեղամիջոցների պահանջարկ կա, որը ներկա պահին չի բավարարվում»,- ասել է հետազոտություն հեղինակներից մեկը՝ Ուտրեխտի համալսարանի կենսաբան Հանս Քլերվերսը: