Նոր տեսակի կորոնավիրուսի պատճառով Բարսելոնայում չեղարկվել է «Mobile World Congress» ցուցադրությունը
Բարսելոնայում անցկացվելիք բջջային ինդուստրիայի միջազգային «Mobile World Congress (MWC)» ցուցադրությունը չեղարկվել է, հայտնում է РИА Новости-ն:
Նշվում է, որ նման որոշում է կայացվել այն բանից հետո, երբ վերջին ամիսներին նոր տեսակի կորոնավիրուսի տարածմամբ պայմանավորված ընկերությունները զանգվածաբար հրաժարվել են մասնակցել ցուցադրությանը:
Միջոցառումը պետք է տեղի ունենար փետրվարի 24-ից 27-ը: Ցուցադրությանն իրենց մասնակցությունից հրաժարվել են 20 ընկերություններ (Sony, LG, Amazon, McAfee, Vivo, Deutsche Telekom և այլն):
Իսպանիայի իշխանություններն իրենց հերթին ընկերություններին հորդորել են խուճապի չմատնվել: