Իտալիայում կորոնավիրուսից մահացածների թիվը գերազանցել է 19 000-ը. Worldometers
Իտալիայում Covid-19 կորոնավիրուսով վարակվածների թիվը հասել է 152 271-ի: Այս մասին վկայում են Worldometers կայքի՝ իրական ժամանակում թարմացվող տվյալները:
Մեկ օրում վարակման 4694 նոր դեպք է գրանցվել կորոնավիրուսից ամենատուժած եվրոպական երկրում: Վերջին 24 ժամում 619 մահվան դեպք է արձանագրվել՝ համաճարակի բռնկման պահից ի վեր մահացության ցուցանիշը հասցնելով 19 468-ի: Նախորդ օրը գրանցված 24-ժամյա մահացության ցուցանիշը 570 էր:
Երկրում ընդհանուր առմամբ ապաքինվել է կորոնավիրուսով վարակված 32 534 մարդ, ակտիվ վարակակիր են 100 269-ը: