Պուտինը եւ Էրդողանը քննարկել են Լեռնային Ղարաբաղում տիրող իրավիճակը
Ռուսաստանի եւ Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հեռախոսով քննարկել են Լեռնային Ղարաբաղում տիրող իրավիճակը:
«Կողմերը հաստատել են փոխադարձ պատրաստակամությունը համագործակցելու Լեռնային Ղարաբաղի հակամարտության խաղաղ լուծմանը հասնելու համար»,- հաղորդում է Կրեմլի մամուլի ծառայությունը:
«Լեռնային Ղարաբաղի հակամարտության գոտում իրավիճակը մանրակրկիտ քննարկվեց: Ռուսաստանի նախագահը տեղեկացրեց իր թուրք գործընկերոջը Ադրբեջանի և Հայաստանի ղեկավարների հետ մի շարք հեռախոսազրույցների մասին: Այս շփումները նպատակ են ունեցել գտնել ռազմական գործողությունների շուտափույթ դադարեցման տարբերակներ և հասնել քաղաքական ու դիվանագիտական կարգավորմանը՝ հակամարտության խաղաղ լուծմանը հասնելու նպատակով»,- ասված է հաղորդագրության մեջ:
The post Պուտինը եւ Էրդողանը քննարկել են Լեռնային Ղարաբաղում տիրող իրավիճակը appeared first on ԳԱԼԱ.