Ներկա իրավիճակը ցույց է տալիս մարդասիրական օգնության և մարդու իրավունքների միջազգային առաքելությունների՝ Լեռնային Ղարաբաղին ազատ հասանելիության կարևորությունը. Միյատովիչ
Եվրոպայի խորհրդի մարդու իրավունքների հանձնակատար Դունյա Միյատովիչը հաստատել է իր հայտարարությունը Լաչինի միջանցքով երթևեկությունն անհապաղ վերականգնելու անհրաժեշտության մասին։ Նա այդ մասին գրել է թվիթերյան միկրոբլոգում:
«Ներկա իրավիճակը ևս մեկ անգամ ցույց է տալիս մարդասիրական օգնության և մարդու իրավունքների միջազգային առաքելությունների ազատ և անխոչընդոտ հասանելիության կարևորությունը բոլոր շրջաններ և ժողովրդին, ներառյալ Լեռնային Ղարաբաղին և տեղի բնակչությանը», - գրել է Միյատովիչը:
Նա ընդգծել է հասանելիության արդյունավետ եւ ճկուն պայմաններ մշակելու անհրաժեշտությունը, որոնք բոլոր համապատասխան կողմերին, ներառյալ Հանձնակատարի գրասենյակին, հնարավորություն կտան առաջնահերթ հասանելիություն ունենալ նրանց, ովքեր մարդասիրական օգնության և մարդու իրավունքների պաշտպանության կարիք ունեն:
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ «բնապահպանական պատճառաբանությամբ» փակել են Արցախը Հայաստանին կապող Ստեփանակերտ-Գորիս մայրուղին։ Լաչինի միջանցքը, սակայն, շարունակում է փակ մնալ։