Ռոնալդուի նախկին գործակալը կատարյալ անհեթեթություն է անվանել ֆուտբոլիստի՝ Մորգանին հարցազրույց տալու որոշումը
«Ալ-Նասրի» պորտուգալացի հարձակվող Կրիշտիանու Ռոնալդուի և իր նախկին գործակալ Ժորժե Մենդեշի հարաբերությունները վերջնականապես փչացել են հարձակվողի՝ Պիրս Մորգանին տված հարցազրույից հետո: Այս մասին հայտնում է L’Equipe-ը:
Աղբյուրի փոխանցմամբ, Մենդեշը «կատարյալ անհեթեթություն» է համարել Ռոնալդուի՝ Մորգանին տված հարցազրույցում: Ժորժեն հասկացել է, որ Ռոնալդուի հետ համագործակցությունը մոտեցել է ավարտին: Հաղորդվում է նաև, որ պորտուգալացի գործակալը հոգեբանորեն ծանր է տանում Ռոնալդուի հետ համագործակցության ավարտը: Նրա համար սա ավելի էմոեցիոնալ խնդիր է, քան՝ ֆինանսական:
«Ժորժեն սա վերապրում է որպես բաժանություն: Նման բան դժվար է պատկերացնել, երբ խոսքը նման մասշտաբի գործակալի մասին է, բայց նա իրեն միայնակ է զգում: Կարծես՝ նրան իր կինն է թողել, իսկ հետո իմացել է նոր սիրեկանի համար»,- Մենդեշի մտերիմի խոսքերն է փոխանցում աղբյուրը: