Հայաստանի բռնցքամարտի երիտասարդական հավաքականը Եվրոպայի առաջնության կիսաեզրափակիչ է մտնում պատմական արդյունքով` 13 մարզիկներից 12-ը կիսաեզրափակիչում․ ապահովել է նույնքան մեդալ
Հայաստանի բռնցքամարտի երիտասարդական հավաքականը Եվրոպայի առաջնության կիսաեզրափակիչ է մտնում պատմական արդյունքով․ 13 մարզիկներից 12-ը կիսաեզրափակիչում են և ապահովել են նույնքան մեդալ։ Այս մասին հայտնել է Հայաստանի բռնցքամարտի ֆեդերացիան։
ՀԲՖ-ն հայտնել է, որ այսպիսի արդյունք հայկական բռնցքամարտի պատմության մեջ չէր եղել։ Բացի այդ, Հայաստանի հավաքականը մրցումային 6-րդ օրը ևս 3 հաղթանակ է ունեցել։
Նախ 51 կգ քաշային Դավիթ Սաֆարյանը համառ պայքարում պարտության մատնեց իսրայելցի Լուրի Լապչեվսկիուն։ Այնուհետև հաջողությունը զարգացրեց արցախցի Էրիկ Առստամյանը։ Մեր մարզիկը շատ գրագետ մարտավարությամբ պարտության մատնեց Սլովակիայի ներկայացուցիչ Լուկաս Վիմիցլիսկուն։ Բոլոր ռաունդների ընթացքում մեր բռնցքամարտիկը ուներ հսկայական առավելություն և մրցավարները 5։0 հաշվով հաղթանակը տվեցին մեզ:
Տղաների հավաքականի 12-րդ մեդալն ապահովեց 57 կգ քաշային Գոռ Ազիզյանը, ով հաղթեց իսրայելցի Ալի Շահավային։ Առաջին ռաունդի մեկնարկում մեր մարզիկը շատ արագ հասկացավ մրցակցի թույլ կողմերը ու մենամարտի թելը վերցրեց իր ձեռքը։ Արդյունքում շատ վստահ հաղթանակ` 5։0։
Մայիսի 1-ին կկայանան կիսաեզրափակիչները»,- ասված է հայտարարության մեջ։