Փաշինյանը Ադրբեջանի հետ փաստաթուղթ ստորագրելուց առաջ պարտավոր է հանրային լայն քննարկում սկսել. Երվանդ Թարվերդյան (տեսանյութ)
Փաշինյանը Ադրբեջանի հետ փաստաթուղթ ստորագրելուց առաջ պարտավոր է հանրային լայն քննարկում սկսել։
Այս մասին Tert.am-ի հետ զրույցում ասաց «Միացյալ Հայաստան» կուսակցության հիմնադիր-նախագահ Երվանդ Թարվերդյանը․
«Մենք իրավունք չունենք մեկ ստորագրությամբ կանխորոշենք արցախահայության ճակատագիրը։ Հիմնական տրամաբանությունը ազգերն են, ոչ թե պետությունները։ Միջազգային իրավունքի նորմերով Արցախը իրավունք ունի ինքնորոշման։
Եվ մեր պետությունը իրավունք չունի, կլինեմ ես, այսօրվա վարչապետը, նախկին նախագահը, իրավունք չունի մեկ ստորագրությամբ որոշել մի ամբողջ ժողովրդի, 120 հազար հայության բախտը։ Սկզբունքորեն դեմ եմ այդ տրամաբանությամբ փաստաթղթի ստորագրմանը։ Վարչապետը պետք է, իր խոստմանը համաձայն, լայն քննարկման դնի նախագիծը, գոնե քաղաքական ուժերի ներկայացուցիչների հետ»,-նշել է Թարվերդյանը։
«Միացյալ Հայաստան» կուսակցության հիմնադիր-նախագահն ասել է, որ միշտ շատ դրական է գնահատել ապաշրջափակումը, սակայն, դա պետք է լինի միջազգային իրավունքին համապատասխան․
«Այսինքն, ցանկացած երկու պետություն պետք է ունենան բաց սահմաններ: Այդտեղ կարող են օգտագործվել պարզեցված ընթացակարգեր: Անգամ մեջբերումներ եմ արել, որ միջազգային պրակտիկայում կա համատեղ անցման կետեր, սակայն ինչ-որ հսկողություն պետք է պարտադիր իրականացվի»,- ասաց Երվանդ Թարվերդյանը:
Մանրամասները՝ տեսանյութում․