«Ինտերը» նոր պայմանագիր կկնքի Ինձագիի հետ
Իտալական «Ինտերը» ծրագրում է մեկ տարով երկարաձգել պայմանագիրը թիմի գլխավոր մարզիչ Սիմոնե Ինձագիի հետ։ Այդ մասին հայտնել է իտալացի լրագրող Նիկոլո Սկիրան։
Իտալացի մասնագետի նոր պայմանագիրը նախատեսված կլինի մինչև 2025 թվականի ամառ։ Առաջիկայում կողմերը կքննարկեն բոլոր մանրամասներն ու կկնքեն նոր պայամանագիր։
Սիմոնե Ինձագին «Ինտերի» գլխավոր մարզիչի պաշտոնը զբաղեցնում է 2021-ի ամառվանից և չորս տիտղոս է նվաճել միլանյան ակումբի հետ։ Այս մրցաշրջանում «Ինտերն» իտալացի մասնագետի հետ երկրորդ անգամ հաղթել էր Իտալիայի գավաթի խաղարկությունում ու երկրի Սուպերգավաթում:
Միլանյան ակումբը հասել էր նաև Չեմպիոնների լիգայի եզրափակիչ, որտեղ 0-1 հաշվով պարտվեց Անգլիայի չեմպիոն «Մանչեսթեր Սիթիին»։
The post «Ինտերը» նոր պայմանագիր կկնքի Ինձագիի հետ appeared first on ԳԱԼԱ.