Վեան պաշտոնապես դարձել է Յուվենտուսի խաղացող
Թիմոթի Վեան պաշտոնապես դարձել է «Յուվենտուսի» խաղացող։ Այս մասին հայտնել է ակումբի մամուլի ծառայությունը։
Ամերիկացին տեղափոխվել է ֆրանսիական «Լիլից»:
Խաղադաշտի եզրային դիրքերի խաղացողը Լիբերիայի նախագահ, լեգենդար աֆրիկացի ֆուտբոլիստ Ջորջ Վեայի որդին է, սակայն հանդես է գալիս ԱՄՆ-ի հավաքականի կազմում։
«23-ամյա ֆուտբոլիստը պատրաստվում է իր կարիերայի ընթացքում առաջին անգամ խաղալ Իտալիայում: Այնուամենայնիվ, նա չի լինի առաջին Վեան, որը կխաղա Սերիա Ա-ում: Տիմոթիի հայրը ոչ այլ ոք է, քան «Միլանի» նախկին հարձակվող Ջորջը, այժմ Լիբերիայի նախագահ»,- հայտնել է տուրինյան ակումբը:
Ակումբը նաև անդրադարձել է նորեկի խաղային դիրքերին․ «Հաղթանակներով լեցուն անընդմեջ վեց տարին Թիմոթիին վերածել են բազմակողմանի խաղացողի, որը կարող է ծածկել և՛ պաշտպանության, և՛ հարձակման գծում՝ դարձնելով նրան համակողմանի եզրային պաշտպան»: