Ֆաբրեգասը հայտարարել է կարիերան ավարտելու մասին
«Բարսելոնայի» նախկին սան Սեսկ Ֆաբրեգասը հայտարարել է կարիերան ավարտելու մասին։ Այս մասին նա գրառում է կատարլ իր սոցցանցային էջերում ու տեսանյութ հրապարակել։
«Մեծ տխրությամբ եկել է ժամանակը, որ ես կախեմ խաղակոշիկներս։ «Բարսայում», «Արսենալում», նորից «Բարսայում», «Չելսիում», «Մոնակոյում» ու «Կոմոյում» իմ առաջին օրերից սկսած ես փայփայեմ բոլորին: Աշխարհի գավաթը, Եվրոները բարձրացնելուց մինչև Անգլիայում և Իսպանիայում ամեն ինչ նվաճելն ու գրեթե բոլոր եվրոպական գավաթները՝ մի ճանապարհ էր, որը ես երբեք չեմ մոռանա»,- գրել է լեգենդար փլեյմեյքերը։
Սեսկը նշել է, որ կանցնի մարզչական գործունեության։
«Սակայն ամենը տխրություն չէ, քանի որ ես հիմա պատրաստվում եմ անցնել սպիտակ գիծն ու սկսել մարզել «Կոմո 1907-ի» B ու Primavera թիմերը: Ակումբ ու նախագիծ, որոնցով ես չէի կարող ոգևորված չլինել: Այս հմայիչ ֆուտբոլային թիմը գրավեց իմ սիրտն առաջին իսկ րոպեից ու եկավ ինձ մոտ իմ կարիերայի կատարյալ պահին: Ես այն երկու ձեռքով կբռնեմ։
Այսպիսով, զոհողություններով, նվիրումով ու հաճույքով լի 20 անհավանական տարիներից հետո ժամանակն է շնորհակալություն հայտնելու և հրաժեշտ տալու գեղեցիկ խաղին:
Ես սիրեցի ամեն րոպեն»,- գրել է իսպանացին:
Ֆրանսեսկ «Սեսկ» Ֆաբրեգաս Սոլերը ծնվել է 1987 թվականի մայիսի 4-ին։ 16 տարեկանում «Բարսելոնայի» ակադեմիայից տեղափոխեվել է Լոնդոնի «Արսենալ»։
2003/11 թվականներին խաղացել է «Արսենալում», 2011/14-ին՝ «Բարսելոնայում», 2014/19-ին՝ «Չելսիում», 2019/22-ին՝ «Մոնակոյում» ու 2022/23-ին՝ «Կոմոյում»։
Ընդհանուր առմամբ 739 խաղում դարձել է 125 գնդակի և 217 գոլային փոխանցման հեղինակ։
Նվաճած տիտղոսները
«Արսենալ»
Անգլիայի գավաթ 2004/05-ին, ՖԱ Համայնքային վահան (FA Community Shield, այլ կերպ՝ Անգլիայի սուպեր գավաթ) 2004-ին
«Բարսելոնա»
Լա Լիգա՝ 2012/13-ին, Իսպանիայի գավաթ (Copa del Rey) 2011–12-ին, Իսպանիայի սուպերգավաթ 2011-ին, 2013-ին, ՈՒԵՖԱ-ի Սուպերգավաթ 2011-ին, ՖԻՖԱ-ի Աշխարհի ակումբային առաջնություն 2011-ին
«Չելսի»
Պրեմիեր լիգա՝ 2014/15 և 2016/17-ին, Անգլիայի գավաթ՝ 2017/18-ին, Ֆուտբոլային լիգայի գավաթ 2014/15-ին
Իսպանիայի հավաքական
ՖԻՖԱ-ի աշխարհի առաջնություն 2010-ին, ՈՒԵՖԱ-ի Եվրոպայի առաջնություն 2008 ու 2012-ին: